aatsitassat

GME-mi piginneqataassutit nalikillerujussuartut: Naalakkersuisooqatigiilersut oqaaseqarfiginianngikkai

Greenland Minerals and Energymi aqutsisut tatineqarsimaqisut Naalakkersuisut affai uranimik piiaanissamut akerliunerisa kingunerisinnaasaannik nalileerusunngillat

Greenland Minerals and Energymi pisortaq John Mair isumaqanngilaq Kuannersuarni suliniutip kingunerisassaasa oqaaseqarfiginissaannut Naalakkersuisut nutaat uranimut isiginnittaasiat naammattumik ilisimasaqarfigalugu

Greenland Minerals and Energymi piginneqataassutit nalikillerujussuarput Siumup partiillu uranimut akerliusut IA’p aamma Partii Naleqqap akornanni naalakkersuisooqatigiilersut tusarliunneqarmat.

Suliffeqarfiup tuniniaavimmi nalinga 2015-ip aallartinneraniillli aatsaat taamak qaffasitsigilersimagaluarpoq Kinamiut suliffeqarfiutaat Shenghe suliffeqarfimmi piginneqataassutsinik amerlaqisunik pisisimasoq avammut nalunaarutigineqarmalli.

Atuaruk: GME-p isumaqatigiissut Naalakkersuisoqarfimmut tunniukkumanngilaa

Annikillingaatsiartut
Sisamanngornermili oktobarip 27-ani naalakkersuisut nutaat nalunaarutigineqarnerisa kingorna ullualuit qaangiummata piginneqataassutit 30 procentingajannik annikillisimapput. Sapaatit akunnerani kingullermi pingasunngornermiinnaq 17,5 procentimik nalikillisimavoq.

Aningaasaliisut aarlerigaluartut pisortap John Mairip nalilerusunngilaa naalakkersuisuutitaqarlersut uraminut apeqqummut isumaqatigiinnginnerat sakkuaakkunnaarnerallu Narsap eqqaani Kuannersuarmi aatsitassanut qaqutigoortunut uranimullu suliniummut qanoq kinguneqassanersoq.

- Silartusaarlunga oqaannarniarpunga oqaaseqaateqassagutta nalunaarumaartugut. Pisut pillugit ersarinnerusumik paasisaqarnissarput pisariaqartipparput, taamaattumik maannakkut oqaaseqarnianangilagut, John Mair AG-mut oqarpoq.

Atuaruk: Kiinamiut GME-mik tigusinissaat akuersissummik pisariaqartitsivoq

Suliniut pitsaanerpaamik ingerlanissaa neriuutaasoq
Suliffeqarfimmi aaqqiagiinngissutaaqisumi pisortap aamma tusagassiuutini tusatsiakkat uppernarsarusunngilai tassalu Greenland Minerals and Energy (GME) 2016-ip naannginnerani piiaanissamik qinnuteqalersaartoq.

Qinnuteqaat arlaleriarluni kinguaattoortarsimavoq GME’p ilaatigut aatsitassanut aqutsisoqarfik aatsitassanullu tunngatillugu avatangiisinut aqutsisoqarfik allakkatigut oqaloqatiginarslu, avatangiisinut inuiaqatigiinnullu sunniutaasussat pillugu nalunaarusiat qinnuteqaammut tunngaviusussat pillugit.

- Nalunaarusiat pillugit naalakkersuisoqarfiit assigiinngitsut arlaleriarluta oqaloqatigisarsimavagut, oqaloqatigiinnerpullu ingerlaannassaaq. Susoqassanersoq peqqussutiginngilarput Namminersorlutik Oqartussat aalajangiisussaapput. Taamaattumik naluarput ukioq manna qinnuteqassanersugut. Neriuutigiuarparput suliniut pitsaanerpaamik ingerlassasoq, John Mair oqarpoq.

Atuaruk: Múte Bourup Egede sangujoraartoq

Allaaserisaq tamaat aviisimi AG-mi atuaruk, ullumi pisiniarfinni taanna pisiarisinnaavat. Aviisi aamma peqqinnissaq pillugu annertuumik sammisaqarpoq. Aviisi uani aamma pisiarisinnaavat:

Powered by Labrador CMS