Skip to main content

GME avatangiisinut sunniutaasussanik nalilersuinermi allagaatinik takunnissinnaatitaanermik akornusiisoq

Australiamiut aatsitassarsioqatigiiffiutaata piumagumi Narsap eqqaani aatsitassanik qaqutigoortunik uranimillu suliniummi avatangiisinut sunniutaasinnaasunik nalilersuinermut atortussat Namminersorlutik Oqartussanut tunniuttariaqanngilai. Allagaatinimmi takunninnissaq akuersaarneqarsimagaluarpoq kisiannili GME-mit naammagittaalliuut kingumoortumik sunniuteqarpoq

Uranisiornissaq pillugu ukiuni kingullerni oqallinneq pikkunarsimaqisoq paasissutissat nutartikkat piukkunnassuseqalersitsisinnaagaluartut matoqqalluinnarsimapput.  

Tassami Kuannersuarni avatangiisinut sunniutaasinnaasaannik nalilersuinermik taaneqartartumik siunnersuut qaammaterpassuarni oqartussaasut ingerlatseqatigiiffiullu akornanni uteqattaartinneqarsimavoq, taamaanneranilu tusagassiortut, soqutigisaqaqatigiit innuttaasulluunniit atuarsinnaanngilaat.  

Atuaruk: GME-p isumaqatigiissut Naalakkersuisoqarfimmut tunniukkumanngilaa

Aalajangiinermut maalaaruteqarneq
Aamma Greenland Minerals and Energymi (GME) tamanna aalajangerneqarsinnaagaluarpat taamaassagaluarpoq. GME allagaatinik takunnissinnaatitaanerup DR-imi nutaarsiassaleriffimmut tunniunneqarsimaneranik naammagittaalliuutiginnippoq.  

DR-ip oqartussaqarfik namminersortitaq Pinngortitamut, Avatangiisinut Nukissiuutinullu Naalakkersuisoqarfiup ataaniittoq Aatsitassanik Suliassaqarfinnut Avatangiisinut Aqutsisoqarfik VVM-imut missingiummik maanna suliarinnittoq qinnuteqarfigisimavaa. Tassanilu allagaatinik takunnissinnaatitaanissamik qinnuteqaat oktobarip aallartinerani akuerineqarpoq.  

AG-mit VVM-imut missingiummik takunnissinnaatitaanermik aamma qinnuteqarsimasumut Aatsitassanik Suliassaqarfinnut Avatangiisinut Aqutsisoqarfimmit maili naapertorlugu VVM pillugu allakkiaq tuusintinik arlalinnik qupperneqartoq naggaterpiaatigut tunniunneqassanersoq suliaavoq alla.  

Atuaruk: Uranimik suliniut akilersinnaanerussamaarpoq

Maalaarut suliarineqartoq
- Saaffiginnissutivit Aatsitassanik Suliassaqarfinnut Avatangiisinut Aqutsisoqarfimmit ullut qulit iluanni akineqarnissaa ajornarpoq (...) tassami Avatangiisinut aqutsisoqarfimmit GME-mit VVM-imut missingiummik bilagitalersukkamik takunnissinnaatitaanermik akuersissutiginnissimaneq pillugu naammagittaalliuteqartoqarsimammat, aqutsisoqarfiup pisortaa Najaaraq Demant-Poort AG-mut oqarpoq.  

Taassuma Aatsitassanut inatsit naapertorlugu Avatangiisinut aqutsisoqarfimmi aalajangiinernik Naalakkersuisunut naammagittaalliutiginnissinnaaneq innersuussutigaa, Naalakkersuisullu tassa naggaterpiaatigut naliliisussaallutik allagaatinik takunnissinnaatitaanermut maleruagassat aqutsisoqarfimmit eqqortumik nassuiarneqarsimanersut.

- Pinngortitamut, Avatangiisinut Nukissiuuteqarnermullu Naalakkersuisoqarfimmi naammagittaalliuut kingumoortumik sunniuteqarteqartinneqassasoq aalajangerneqarpoq, taamaalilluni naammagittaalliuut suliarineqaqqaartinnagu allagaatinik takunnissinnaatitaanermik tunniussaqartoqarsinnaanani, aqutsisoqarfiup pisortaa Najaaraq Demant-Poort, oqaasiinnartigut itisiliinissaminut ataasinngornermi periarfissaqanngitsoq, oqarpoq.

Atuaruk: Jess G. Berthelsenip kiinamiut nuannaarutigai

Allaaserisaq tamaat aviisimi AG-mi atuaruk, taanna ullumi pisiniarfinni pisiassaalerpoq. Aviisi uani aamma pisiarinissaanut periarfissaqarputit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER