Kuannersuit
GME armerlanernernik misissuinissaanik suliakkerneqarpoq
Australiamiut aatsitassarsioqatigiiffiutaanit piiaanissamik qinnuteqaat suliassaqarfippassuit pillugit sukumiisumik angusaqarfiutinnagit, ilaatigut pujoralammik qinngornernillu siammarterinerit, tunniuteqquneqanngilaq.
Naalakkersuisoqatigiit Kuannersuarni uranimik piianissaq pillugu isumaqatigiinngitsorujussuit qinigaaffimmi matumani suliniut pillugu isummertussaannginnerat ilimanarsigaluttuinnarpoq. AG aviisi allappoq.
Nipaassimaneq
Suliniut pillugu sivisuumik eqqartuisoqanngereersoq, tassani aatsitassat qaqutigoortut pingaarnerutinneqarput, Aatsitassat pillugit avatangiisinut aqutsisoqarfimmit maannakkut Australiamiut aatsitassarsioqatigiiffiutaata nipaallisimasoqareersoq GMEp qinnuteqaataa utertinneqassasoq uppernarsarneqarpoq.
Aqutsisoqarfimmiut naapertorlugit Kuannersuarnit Narsallu eqqaanit angusanik suli amerlanernik pissarsisoqanngippat qinnuteqaammi avatangiisinut tunngasortai aatsaat piareerneqarsinnaasoq aammalu aatsitassat pillugit naalakkersuisoqarfimmi Naalakkersuisunilu suliareqqinneqartussanngorlugu aatsaat nassiunneqarsinnaavoq.
Avatangiisinut sunniutaasinnaasut pillugit nassuiaat (VVM redegørelse) ilaatigut assatamit suliareqqaarinnittarfimmillu pujoralannik siammarterinerit, erngup sunnerneqarnera aamma aserorterivimmit sinnikut suliarineqarnerat inissinneqarnerallu kiisalu suut avatangiisinut aniatinneqarnersut pillugit allattukkat ingerlat seqatigiiffimmi nutarterneqassapput.
Maannakkut sumiiffimmi qinngornerit aamma aatsitassarsiorfiup sunniutai sukumiinerusumik misissorneqassapput soorluttaaq Tatsimi sinnikut inaalisimaffigisaat anorlerujussuartillugu sunik pinngortitamut aniatitaqartarnersoq tigussaasumik uppernarsarneqartussaasut.
Ingerlatsiviup akisussaaffigaa
- Naalakkersuisut malittarisassaataannik naammassinnittumik ingerlatseqatigiiffiup VVM pillugu suliaqarnissaq akisussaaffigaa. VVM pillugu misissuinerit pillugit nalunaarusiassatut siunnersuutip malittarisassat naammassippagit suliassamik saqqummiussinissamut suliassarput naammassissavarput. Tamatuma kingorna tamanut tusarniaanissaq Naalakkersuisut akuerisinnaagaat Aatsitassat pillugit Avatangiisinut aqutsisoqarfimmi pisortaq, Najaaraq Demant Poort, AGmut oqarpoq.
Allaaserisaq tamakkerlugu digitalinngorlugu atuaruk, AG aviisi digitaliusoq uani pisiarisinnaavat: