assammik arsarnermi GM
GM: Unamminerit pingaaruteqarsinnaasut ingerlanneqassapput
Arnat angutillu assammik arsarnermi Nunatsinni pissartanngorniunneranni unammiffiusup aappaa marlunngormat ingerlanneqarpoq
Kalaallit Nunaanni assammik arsarnermik pissartanngorniunnerit Nuummi ingerlanneqartuni pingasunngornermi unamminerit pingaaruteqarsinnaapput.
Angutini Aasianneersut Norsaq HC Sisimiormiunut SAK-mut ajugaavoq 35-23-mik marlunngormat. Aasiammiut NÛK-mut pingasunngornermi unammissapput.
Arnani NÛK aamma SAK marlunngormat pissanganartumik unammipput, tassani Nuummiut isertitamik ataatsimik isertitaqarnerullutik ajugaapput 23-22-mik. NÛK Iluliarmiunut Nagdlúnguamut unammissapput ullumi pingasunngornermi, unamminerlu inissinniunnissanut pingaaruteqarsinnaavoq, tassami unammersuaarnermi timersoqatigiiffiit tamarmik imminnut unammisussaapput. Timersoqatigiiffiit pointeqarnerpaat sapaatiuppat pissartanngorniutissapput.
Marlunngornermi unamminerit allat pissanganartortaqanngillat. Angutini NÛK Narsarmiunut N-85-mut 41-14-mik ajugaapput kiisalu pissartaanerminnik illersuisut GSS Nagdlúnguamut 31-19-mik ajugaallutik.
Arnani Nagdlúnguak' Aasiammiunut Norsaq HC-mut 43-21-mik ajugaavoq. Arnani GSS ajugaarujussuaqqippoq, tassani Kâgssagssummut 43-nik ajugaalluni.
Marlunngornermi unamminerit:
Angutit:
- Norsaq HC - SAK: 35 - 23 arsarluarnerpaaq: Inuujuk O. Søholm, Norsaq HC
- N-85 - NÛK: 14-41: arsarluarnerpaaq: Gustav Ostermann Egede, NÛK
- Nagdlúnguak' - GSS: 31-19 arsarluarnerpaaq: Lars Ole Lyberth, GSS
Arnat:
- Norsaq HC - Nagdlúnguak': 21-43 arsarluarnerpaaq: Geerdaaraq Ingemann, N-48
- NÛK - SAK - 23-22 arsarluarnerpaaq: Nivi Fly, NÛK
- GSS - Kâgssagssuk: 43-19 arsarluarnerpaaq: Najaaja Lyberth, GSS
Pingasunngornermi unammisussat:
Angutit:
- Kl: 11.30: N-85 - SAK
- Kl. 14.30: Nagdlúnguak' - QNQ
- Kl. 17.30: Norsaq HC - NÛK
- Kl. 20.30: GSS - N-85
Arnat:
- Kl. 13.00: Kâgssagssuk - SAK
- kl. 16.00: NÛK - Nagdlúnguak'
- Kl. 19.00: GSS - Norsaq HC
Inussivimmi unamminerit tamaasa ingerlanneqarput.