Skip to main content

GM: Timersoqatigiiffiit uku semifinalimut anngupput

Isikkamik arsaannermi angutit Kalaallit Nunaanni pissartanngorniunneranni pissartanngorniutivinnissamut anngunniunnissamut kikkut ingerlaqqissanersut unammissutigineqassapput

Isikkamik arsaannermi Nunatsinni angutit pissartanngorniunneranni aaqqissuisut Kugsak-45 Qasigiannguaneersut, Qeqertarsuarmit G-44 aamma Nuummit B-67 semifinalimut anngupput. 

Timersoqatigiiffiit taaneqartut GM-ernermi marloriarlutik unammereernerminni suli ajorsartinneqanngillat. 

Unammineq kingulleq pissanganartoq
Pulje A-mi marlunngornermi unammisut siulliit tassaapput Kugsak-45 aamma Uummannamit FC Malamuk. Unamminermi Kugsak-45 2-0-mik ajugaavoq. Taamaasilluni ukioq kingulleq sølvinnattut FC Malamuk ukioq manna ujaminnanngitsoorput. 

Puljeqataat Sisimiunit SAK aamma G-44 aamma marlunngormat unammipput. Immikkoortumi siullermi G-44 2-0-mik siuaqqavoq. Immikkoortup aappaani SAK ataaseriarluni isertitsivoq. Taamaasillunilu aamma G-44 semifinalinut ingerlaqqilluni. 

Puljemi unamminerit kingulliit ullumi pingasunngornermi ingerlanneqassapput. 

Inissaq ataaseq
Pulje B-mi unammeqqaartuupput Aasiannit T-41 aamma Qaqortumit K-33. Qaqortormiut unammineq aallartilluaraluarpaat, tassami 2-0-mik siuaraluaramik. Kisianni målmandiat ajoqquserpoq, arsaattorlu målmandinngorluni. Tamanna akisunaarunarpaat, tassami T-41 unamminermut uteqqippoq, unamminermilu 4-2-mik ajugaallutik. 

T-41 semifinalinut ingerlaqqinnissamut suli periarfissaqarpoq, K-33 inissinniunnissamut kisimi periarfissaqalersoq. 

Unammersuaarnerni unammineq kusanarnerpaaq unammineqarpoq Nuummiut B-67 aamma IT-79 unammimmata. Tassani tunioraannerit pitsaasut ingerlanneqarput. 

Unamminermi B-67 ajugaavoq 2-1-mik. 

Pissanganartumik ullumi unammisoqassaaq, T-41 aamma IT-79 unammissammata. Ajugaasoq semifinalimut anngutissaaq. Unammisut naligiissagaluarpata IT-79 ingerlaqqissaaq isertitaqarnerunertik pissutigalugu. 

Marlunngornermi angusat:
Pulje A:

  • Kugsak-45 - FC Malamuk: 2-0
  • SAK - G44: 1-2

Pulje B:

  • T-41 - K33: 4-2
  • B-67 - IT-79: 2-1

Pingasunngornermi unammisussat:
Pulje A:

  • Kl. 13.00: SAK - FC Malamuk
  • Kl. 17.00: Kugsak-45 - G-44

Pulje B:

  • Kl. 15.00: B67 - K33
  • Kl. 19.00: T-41 - IT-79

Semifinalit sisamanngorpat unammissutigineqassapput, arfininngorpat pissartanngorniuttoqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER