Skip to main content

GM: Puljeni unamminerit kingulliit ima inerneqarput

Qasigiannguni angutit isikkamik arsaallutik pissartanngorniunneranni semifinalimut unammisussat nassaarineqarput

Angutit arsaallutik pissartanngorniunneranni Qasigiannguani ingerlanneqartumi semifinalimi unammisusussat siulliit tassaapput aaqqissuisut Kugsak-45 aamma IT-79 Nuummeersut. Semifinalip aappaani Qeqertarsuarmit G-44 aamma Nuummit B-67 unammissapput. 

Puljeni unamminerit pingasunngormat unammissutigineqareerneranni tamanna paasinarsivoq.

Kinguaqqariarlutik ajugaasut
Pulje A-mi siuttutut inissinniullutik unammisuupput Kugsak-45 aamma G-44. Immikkoortumi siullermi G-44 1-0-mik siuaqqagaluartoq, unamminerup immikkoortuisa aappaanni Kugsak-45 sukataarluarpoq. Unammersuaarnermi aaqqissuisuusut Kugsak-45 unamminermi 3-1-mik ajugaapput.

Taamaasilluni pulje A-mi Kugsak-45 ajugaavoq.

Semifinalimut annguttut
IT-79-ip aamma T-41-p Aasianneersup unammineranni ajugaasoq semifinalimut annguttussaavoq. Immikkoortumi siullermi isertitsisoqanngereersoq, immikkoortup aappaani pingasoriarluni isertitsisoqarpoq. Tassani IT-79-ip tamarmik isertitarai, 3-0-millu ajugaallutik. 

Taamaasilluni IT-79 semifinalimut annguppoq. 

Ajugaarujussuartut
Unamminerit marluk allat pingaaruteqanngillat. 

Pulje A-mi SAK Sisimiunit aamma FC Malamuk Uummannameersoq unamminnginneranni tamarmik semifinalimut ingerlaqqissinnaanngillat. Sisimiormiut 2-0-mik ajugaapput. Taamaasilluni SAK unammersuaarnermi tallimaattut inissinniuttussanngorpoq, FC Malamuk arfineq aappaattut inissinniunnermi unammisussanngorluni. 

B-67-ip K-33-llu unamminerat aamma pingaaruteqanngilaq. B-67 semifinalimut anngutereerpoq, K-33 semifinalimut anngunnissamut periarfissaqanngereersoq. Naak K-33 unamminermi isertitseqqaaraluartoq B-67 -6-1-mik ajugaavoq. 

Ullumi sisamanngornermi GM-imi unammisoqassanngilaq. Semifinalit inissinniunnerillu aqagu tallimanngornermi ingerlanneqassapput.

Pingasunngornermi angusat:

  • SAK - FC Malamuk: 2-0
  • Kugsak-45 - G-44: 3-1

Pulje B:

  • B67 - K33: 6-1
  • T-41 - IT-79: 0-3

Tallimanngorpat semifinalertussat:

  • Kl. 14.00: Kugsak - IT79
  • Kl. 16.00: G44 - B67
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER