Skip to main content

GM: IT-79 pissartanngorniunnissamut annguppoq

Qasigiannguani angutit arsaallutik pissartanngorniunneranni pissartanngorniunnissamut unamminissamut anngunniunnermi timersoqatigiiffik Nuummeersoq ajugaavoq

Timersoqatigiiffik Nuummit IT-79 angutit isikkamik arsaallutik Kalaallit Nunaanni pissartanngorniutivinnissamut annguppoq. 

Unammersuaarnermi aaqqissuisuusunut Kugsak-45-mut semifinalimi unamminermi 2-0-mik ajugaavoq.

Unamminermi Hans-Karl Berthelsen aamma Qillaq Banemann isertitsisuupput.

Kukkorujussuarneq
Immikkoortumi siullermi unammisut naligiittorujussuupput, tamarmik isertitsinissamut periarfissaqarlutik. 

Unammineq 36-minutsinik sivisussuseqartoq Kugsak-45-mi målmandiusoq arsaq piissallugu IT-79-mi arsaattuusoq Hans-Karl Berthelsen eqqortoorpaa. Taamaasilluni målit inuttaqanngitsut Hans-Karl Berthelsen isertitsilluni. 

IT-79 isertitseqqinnissamut periarfissarsioraluartoq, immikkoortumi siullermi isertitsisoqaqqinngilaq.

Isertitseqqittut
IT-79 immikkoortup aappaata aallartinnerani isertitsinissamut periarfissarsiorneruvoq. Unammineq 57 minutsinik sivisussuseqartoq isertitseqqingajaavipput, Kugsak-45-mi kinguarsimasuusoq Jan Jensen kukkulluni isertitsingajattoormat, kisianni arsap napparutaasaq eqquinnarpaa.

Unammineq 71 minutsinik sivisussuseqartoq isertitsisoqaqqippoq. IT-79 hjørnesparkereersoq IT-79-mit Qillaq Banemann isertitsivoq.

Kugsak-45 isertitsinissaminut periarfissarsioraluarpoq iluatsinngitsumik. 

B-67 imaluunniit G-44
Unamminerup naammassingajalernerani Kugsak-45 isertitsinissamut periarfissarsioqattaaraluarpoq, tamannalu pissutigisaanik aamma IT-79 sukkasuumik saassusseqattaaraluarluni, iluatitsiffiunngitsumilli.

Unamminermi IT-79 2-0-mik ajugaavoq, taamaasilluni pissartanngorniunnissamut anngulluni. Kugsak-45 bronzennanniunnermi unammissaaq. Semifinalip aappaani unammissapput B-67 aamma Qeqertarsuarmit G-44, taakku nalunaaqutaq 15.00-mit unammissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER