Skip to main content

GM-ertoqarnissaa ulluligaanngitsumik kinguartinneqarpoq

Namminersorlutik Oqartussat arsaannermi pissartanngorniuttoqarsinnaanersoq KAK-mut ilisimatitsissaaq siusinnerpaamik aggustip aallaqqaataani. Tamanna pissutigalugu KAK aalajangerpoq unammersuaarnissat piffissaligaanngitsumik kinguartinneqassasut. Unammersuaartoqarnissaanut periarfissat pingasut kattuffimmit ujartorneqarput

Arsaannermi pissartanngorniuttoqarnissaa suli ilisimaneqanngilaq.

Arnat angutillu nunatsinni pissartanngorniunnissaannut KAK aaqqissuinissamik Namminersorlutik Oqartussanut kattuffiup qinnuteqarnermini aggustip aallaqqaataatinnagu akissutisisinnaanngitsut ilisimatinneqarput. Tamanna pissutaalluni KAK aalajangerpoq unammersuaarnissat piffissaligaanngitsumik kinguartinneqassasut.

Pissartanngorniunnermik aaqqissuussinissat pilersaarutigineqaraluarput sapaatip akunnerani 34-mi aamma 35-mi ingerlanneqassasut.

Periarfissat pingasut

KAK unammersuaartitsinissamut periarfissanik pingasunik qinnuteqarsimasoq KAK-mi pissartanngorniunnissamut ataqatigiissaarisup Minik Jeremiassenip Sermitsiaq.AG-mut ilisimatitsissutigaa.

- Siullertut qinnutigineqartoq tassaavoq angutit Ilulissani pissartanngorniunnissaat. Tamanna anguneqarsinnaanngippat aappaattut qinnuteqaataavoq Avannaani aammma Kujataani pissartanngorniuttoqassasoq, qinnutigineqartorlu kingulleq tassaavoq Cup-turneringitut knock-outimik unammisaqattaartoqarnissaa, ilisimatitsivoq.

Unammersuaartoqarnissaa sukataarutigineqarpoq

- Unammersuaartitsisoqarnissaa piviusorsiorpa?

- KAK-mit tamanna aalajangerneqarsinnaanngilaq, aalajangiisinnaasutuaq tassaavoq Namminersorlutik Oqartussat. Taamaattumik periarfissat pingasut unammersuaartoqarnissaanut qinnutiginikuuagut, taamaattumik soorunami neriuutigaarput unammersuaarnerit ingerlanneqarsinnaanissaat, Minik Jeremiassen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER