Arsaannermi GM
GM-ertoqarnerani dopingertoqarsimasinnaaneranik misissuisoqarpoq
Angutit arsaannermik pissartanngorniunneranni Kalaallit Nunaanni Timersortartut Kattuffianni dopingertoqarsimasinnaaneranik misissuipput
GM-eqataasut dopingimik atuisimasinnaanissaasa misissuiffigineqarnissaat GBU-p piumasaraa GIF misissuissasoq. Maleruaqqusaasullu malillugit ingerlatsisoqarluni. Peqataasuni tamani holdeqatigiinniit atit pissarsiarineqarput, taakkunanngali atit pissarsiarineqartut makitsinkkkut pissarsiarineqartarlutik.
- GBU aalajangerpoq inuit misissorneqartussat pingasuusassasut holdimi ataatsimiit. Misissorneqareersut GBU-mut ingerlateqqinneqartarput piaarnerpaamik, GIF Facebookimi quppernermini allappoq.
GBU iliuuseqartuussaaq
GBU-llu aalajangertarpaa misissorneqartuni malunnartoqarsimappat pineqartut nalunaarfigissallugit aalajangiiffigissallugillu pineqartut peersitaanissaannik.
Pissartanngorniunnissamut anngunniunnerit tallimanngorpat unammissutigineqassapput, ujaminnanniunnerit arfininngorpat ingerlanneqassallutik.