GM-erneq timmisartuussiniarnikkut ajornartorsiutinik sunnerneqartoq
Timmisartuussinissanik taamaatitsinerit peqqutaallutik Nuummiit B-67 Sisimiunut apuutinngitsoorpoq
Ullumikkut timmisartuussinissat kinguaattoorneri taamaatinneqarnerilu peqqutaallutik aamma angutit isikkamik arsaannermi pissartanngorniunnerat sunnerneqarpoq.
Nuumminngaanneersoq holdi B-67 ullumikkut Sisimiut apuussinnaasimanngillat, tamannalu isumaqarpoq Ilulissaneersut N-48-nut unamminissaraluat taamaatinneqartoq imaluunniit kinguartinneqarluni. Ullumikkut nalunaaqutaq 15.00 unammisussaagaluarput.
Aamma ullumikkut isaanissaraluaq aqagumut nalunaaqutaq 15.00-mut kinguartinneqarpoq. Taama Kalaallit Arsaattartut Kattuffiat ilisimatitsivoq.
Ullumikkut unammisussat ima isikkoqalerput:
Nal. 17.00:
IT-79 - EK´qaluk-54
Nal. 19.00:
G-44 - GSS