assammik arsarnermi GM
GM-mit assit: NÛK aamma SAK bronzennapput
Assammik arsarnermi GM-qarnernai NÛK aamma SAK pissanganartumik bronzennanniupput. Assit angusallu takukkit
NÛKp angutitaasa finalemut anngussinnaanertik annaavaat pingasunngornermi Nagdlúnguak Ilulissaneersoq assammik arsarnermi GM-qarnerani ajorsarfigigamiuk. Aamma ilungersoqqaarlutik bronzennattaassatik pissarsiaraat sapaammi ualikkut bronzennanniunnermi SAK-lu pissanganartumik unammigamik.
Takuuk: GM-mit assit: Aajuku ukiup iligiivi
Bronzennanniunnermi NÛK 23-18-mik ajugaavoq. Unamminerulli ingerlanerani sakkortuumik SAK-mit unammillerneqarput. Muminnermi tamarmik qulingiluaraarlutik naligiipput minutsillu qulit taamaallaat amigaataalernissaat tikillugu naligeeqaat.
SAK-p arsartui qasulerput NÛKlu paarlatsissimaateqarnerugami ajugaavoq.
Arnat bronzennanniunnerit naligiinngiffiuvoq SAK Sisimiuneersoq, finalemut anngutingajavissimasoq, Nagdlúnguamut Ilulissaneersumut 47-19-mik ajugaammat muminnermi 22-14-mik siuaqqareerluni.
Aajuku sapaammi angusat:
QNQ – Norsaq HC (angutit) normu 5-nngorniunneq 27-31 (11-15)
SAK – Nagdlúnguak (arnat) bronzennanniunneq 47-19 (22-14)
SAK – NÛK (angutit) bronzennanniunneq 23-18 (9-9)
GSS – NÛK (arnat) finale 20-17 (10-11)
GSS – Nagdlúnguak (angutit) finale 39-28 (20-12)
Angutit imatut inissipput:
1. GSS, Nuuk
2. Nagdlúnguak, Ilulissat
3. NÛK, Nuuk
4. SAK, Sisimiut
5. Norsaq HC, Aasiaat
6. QNQ, Qaanaaq
7. K-33, Qaqortoq
Arnat imatut inissipput:
1. GSS, Nuuk
2. NÛK, Nuuk
3. SAK, Sisimiut
4. Nagdlúnguak, Ilulissat
5. Kâgssagssuk, Maniitsoq
Assammik arsarnermi GM-mit allaaserisat uani atuakkit