Skip to main content

GM: Ajugaasussatut naatsorsuutigineqartut ajugaasut

Isikkamik arsaannermi Nunatsinni angutit pissartanngorniunneranni ullumi unammiffiusumi siullermi arlaqartunik isertitsisoqarpoq

Arsaannermi Kalaallit Nunaanni angutit pissartanngorniunnerat Qasigiannguani ingerlanneqartoq ataasinngormat aallartinneqarpoq. 

Unamminermi siullermi aaqqissuisut Kugsak-45 aamma Sisimiunit SAK unammipput. Naak Kugsak-45-mi anføriusoq Arkalo Zeeb unamminerup immikkoortuisa aappaanni anisitaagaluartoq 1-0-mik ajugaapput. 

Unamminerit tulliuttut pissanganarpallaanngillat. 

Tassami pissartaanerminnik illersuisut B-67 Aasiammiunut T-41-mut 3-0-mik ajugaapput, kiisalu aamma G-44 Qeqertarsuarmeersoq Uummannarmiunut FC Malamummut 5-0-mik ajugaapput. 

Ullormi unammiffiusumi siullermi unamminermi kingullermi ukioq kingulleq bronzennattut IT-79 aamma Qaqortumit K-33 unammipput. Tassani IT-79 5-1-mik ajugaavoq.

Ataasinngornermi inernerit:

Pulje A:

  • Kugsak-45 - SAK: 1-0
  • FC Malamuk - G-44: 0-5

Pulje B:

  • B-67 - T-41: 3-0
  • K-33 - IT-79: 1-5

Marlunngornermi unammisussat:

Pulje A: 

  • Kl. 13.00: Kugsak-45 - FC Malamuk
  • Kl. 17.00: SAK - G44

Pulje B:

  • Kl. 15.00: T41 - K33
  • Kl. 19.00: B-67 - IT79

Unammersuaarnerit arfininngorpat naggaserneqassapput. 

Unammisut toqqaannartumik KNR-TV-kkut aallakaatinneqartassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER