attaveqaatit
Global Stories-ip Salon // Salongi ilisaritissavaa
Maajip aallartinnerani ilaatigut ilinniagaqartut peqatigiiffiata Avalaap Kalaallit Nunaat sammitissavaat - tamanna pissaaq Københavnimi, tassani nipilersorneq ullutsinnilu eqqumiitsuliat sammineqassallutik
Sisamanngornermi maajip 8-anni Københavnimi aaqqissuussinerit marluk ingerlanneqassapput, tassani nipilersukkat ullutsinnilu eqqumiitsuliat Kalaallit Nunaannut attuumassuteqartut sammtinneqassallutik.
Salon // Salongi Københavnimi qallunaat/kalaallit attaveqaqatigiinnerisa ineriartortinnissaanut nukittorsarnissaanullu aallaavissamik pilersitserusuppoq.
Salon siulleq ingerlanneqassaaq maajip 8-anni nalunaaqutaq 17-imiit 19-imut, Københavnimi Sort/Hvid-imi - siusinnerusukkut Café Teatret, Skindergade 3-mi. Tassani Owen Beuchet-ip oqaluttuarissavaa Sound of Greenland-imik suliniunni, tassani kalaallit illoqarfianni kulturi sammisimagamiuk ilaatigut apersuilluni, nipilersornikkut aamma soundscapes-it atorlugit.
Kingorna nipilersortartoq qallunaaq-kalaaleq Malu Rohmann nipilersortartuilu nipilersussapput.
Aaqqissuussineq akeqanngilaq aallarnisaataallunilu Global Stories-ip aaqqissuussaanut Ni hao Nuummut, tassani kaffillertoqarluni Kalaallit Nunaata siunissaa aatsitassarsiorfittut sinnattunik illillu sinnattunnik qitiusutut nalliussineqassalluni. Tamanna pissaaq Kalaallit Nunaata Isiginnaartitsisarfia suleqatigalugu. Ni hao Nuuk 2015-imi februaarimiit apriilimut Københavnimi Nuummilu ingerlanneqassaaq.
Salonit ingerlanneqassapput Sort/Hvid-ip, Kalaallit Illuutaata aamma ilinniagaqartut kattuffiata Avalaap suleqatigiinnerisigut.