GIF: Namminneq kajumissutsiminnik sulerusuttut amerlanerit pisariaqartinneqarput
Innuttaasut fire procentiinnai timersornermik ingerlatsisoqarnerani namminneq kajumissutsiminnik sulisartut aalajangersimasuupput, taakkulu Kalaallit Nunaanni Timersoqatigiit Kattuffiata amerlaninngortikkusuppai.
Kalaallit Nunaanni Timersoqatigiit Kattuffiata anguniagaraa, Kalaallit Nunaata 2030-mi nunarsuarmi timimik aalatitsinerpaaffiulernissaa.
Anguniagaq tamanna anguniarlugu, kattuffiup timersornermik ingerlatsisoqartillugu nammineq kajumissutsimik sulisarneq pilerinarnerulersinniarpaa.
- Namminneq kajumitssutsiminnik suliaqartartut timersornerup silarsuaani qitiulluinnartarput. Timersortartuni ilaasortat - allapassuillu ataatsimoortilertarpaat, nuannaartilertarlugit pitsaasunillu misigisaqartittarlugit.
- Namminneq kajumitsuminnik sulisoqartanngitsuuppat aaqqissuussaasumik timersortoqartassanngikkaluarpoq, kattuffik ukiunut sisamanut tulliuttunut periusissiassamini saqqummersinneqaqqammersumi allappoq.
Kattuffik naapertorlugu, innuttaasut fire procentiinnai, ullumikkut timersornermik ingerlatsisoqarnerani aalajangersimasumik ikiuuttarput:
Tunniussimallutik suliaqartartunit ikittuinnarnit nammanneqarsinnaanngitsoq
- Tamanna tunniussimallutik suliaqartartunut ikittuinnarnut tatisisarpoq. Nammineq kajumissutsimik suliaqartarneq, tunniussimallutik suliaqartartunit ikittuinnarnit nammanneqarsinnaanngilaq, kajumissutsimik suliaqartarneq ileqqunngortinneqartariaqarpoq, kattuffik allappoq.
Kattuffiup taamaammat ukiuni aggersuni sulissutiginiarpaa, namminneq kajumissutsiminnik suliaqartartut atugaasa pitsaanerulersinneqarnissaat:
- Kajumissutsimik suliaqartarneq ajornaatsuussaaq, nuannersuulluni pissarsiffiusarlunilu, taamatut allassimasoqarpoq.
Nammineq kajumissutsimik suliaqartarnerup ileqqunngortinneqarnissaata saniatigut, Kalaallit Nunaanni Timersoqatigiit Kattuffiata tulliuttut ukiuni sisamani aggersuni qitiutillugit sulissutiginiarpai:
Meeqqat inuusuttullu amerlanerit timiminnik aalatitsisalernissaat.
Sammisassat nutaat amerlanerit timiminnik aalatitsisalersissavaat.
Sammisaqartitsinermit peqatigiittarnermilu timikkut atugassarititaasut pitsanngorsaaffigineqarnissaat.