Skip to main content

GIF tallimanngorpat siulittaasortaassaaq

Kalaallit Nunaanni Timersoqatigiiffiit Kattuffianni ilaasortat siulersuisullu ulluni makkunani Nuummiipput. Pingasunngorneq sisamanngornerlu Aalasa 2030 (Nuna nunarsuarmi timimik aalatitsinerpaaffiusoq). Tallimanngornermi timersoqatigiit kattuffianni siulittaasussaq siulersuisoqatissaalu qinersinikkut inissinneqassapput.

Nuka Kleemann-ip siulittaasutut tunuarneraniit maannamut paarlattaalluni siulittaasutut inissisimasoq, Bolethe Stenskov, qinikkatut siulittaasunngornissaminik eqqarsaateqarpa? Taamaassappallu siulittaasunngorniunnermi unammillerteqassava?

Apeqqutit taakku qularnanngitsumik tallimanngornermi akissutissarsineqassapput, Kalaallit Nunanni Timersoqatigiit Kattuffiat ataatsimeersualerpat.

Tamannali sioqqullugu ullut uku kattuffik suliassarpassuaqarpoq, tassami siulittaasunngortussap inissinneqarnissaa sioqqullugu, kattuffiup ilaasortai peqatigiillutik siulersuisullu peqatigalugit anguniakkamik sulissutiginninnerminni killiffimmik nalilersuissapput, taakku anguniakkat 2019-mi aalajangiunneqarnikuupput 2023-illu tungaanut sulissutigineqartussaanikuullutik, anguniakkallu qulequtarsuanngorlugit imaapput:

  • Meeqqat inuusuttullu timiminnik aalatitsisarnerat
  • Kajumissutsimik suliaqartarnermi kulturip nukittorsarneqarnissaa
  • Aalanerulernissamut atortorissaarutit 
  • Annertusisamik aammalu nikerartumik aalasarnerup ineriartortinneqarnera

Taamatuttaaq 2023-p tungaanut inuiaqatigiinni pisinnaasut tamarmik Aalasa 2030-mut akuulersinneqarnissaannik sulissutiginnissimaneq nalilersorneqassalluni.

2030-ip tungaanut sulinerup ingerlaqqinnissaa

Kalaallit Nunanni Timersoqatigiit Kattuffiani attaveqaqatigiinnermut pisortaq, Ella Grødem Sermitsiaq.AG-mut ilisimatitsivoq sulinerup ingerlaqqinnissaani immikkut siunnerfiit pingasut siunissaq eqqarsaatigalugu anguniagaqarfissatut ilusilersorneqassasut.

  • Ilaasortat kattuffii (Timersoqatigiiffiit GIF-ip ataaniittut)
  • Atuarfimmi aalaneq 
  • Timersornermi atortut illuutillu

- Peqatigiilluta oqaluuserissavarput, suliassaqarfiit taakku qanoq ineriartortinneqassanersut aammalu immikkut sammisassavarput "eqqarsaammiit iliuuseqarnermut", Ella Grødem nassuiaavoq.

Kalaallit Nunaanni Timersoqatigiiffiit kattuffiat ukioq manna 70-nngortorsiortoq, maannakkut qulingiluanik timersoqatigiiffinnik ilaasortaqarpoq (isikkamik arsaanneq, bordtennis, Arctic sport, Taekwondo, sisorartartut kattuffiat, Qajaq, wolleyball, assammik arsaanneq aammalu badminton).

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER