Skip to main content

GIF: Sungiusaanik pikkorissaanerit nalitupput

- Sungiusaasunik pikkorissaanerit ingerlalluarput, Timersortartut Kattuffiat Elite Sport Greenlandilu nalunaarput

Kalaallit Nunaanni Timersortartut Kattuffiat, GIF, siuarsaanermut suliaqartoq Aviaaja Geisler GIF, elitekonsulenti Tupaarnaq Kreutzmann Elite Sport Greenlandimeersoq kiisalu timersornermik suliaqartoq Anders Uhrbrand upernaanerani Qaqortumi, Paamiuni, Maniitsumi, Sisimiuni Tasiilamilu pikkorissaapput. Pikkorissaanerat timersornerup ineriartortinnissaa meeqqat inuusuttullu timersornerulernissaannik anguniagaqartuuvoq. 

Sungiusaasut suut suliarisassaneraat sungiusarnermi, inuunerissaarneq, qasujaassuseq nukkassarneq kiisalu sungiusarnissamut pilersaarusiorsinnaaneq pikkorissarfigineqartarput. 

- Timersortartut Kattuffiat ineriartortuassaaq. Sungiusaasunik pikkorissaanerit amerlanerulissapput, periarfissallu amerlisinneqassallutik, Timersortartut Kattuffianni siulittaasoq Carsten Olsen tusagassiutinut nalunaaruteqarpoq, nutaamillu eqqarsartariaaseqartoqalernissaa pingaartippaa.

- Meeqqat timersornerugaangata aamma atuarfimmi ingerlalluarnerusarput. Taamaattumik meeqqanik siuarsaasarneq aalluttuassavarput, oqarpoq. 

- Sungiusaasunik pikkorissaanerit aallartilluarput, atuarfinni sammisitsisoqartarpoq meeqqat aalanerulernissaat anguniarlugu. Aasiaat, Ilulissat Uummannarlu aasareerpat minnerpaamik tikissavagut. Air Greenlandimit tapiiffigineqartarnitta tamanna pisinnaalersippaa, qilanaarpugullu nammineq piumassutsiminnik suliaqartut naapinnissaat, taakkumi meeqqat timersulernissaannut allarniisuusarput, GIF-ip siulittaasua oqarpoq. 

Kalaallit Nunaanni TImersortartut Kattuffiat 13.000-nik ilaasortaqarpoq.

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER