ineriartorneq

GIF pitsaasunik dommereqalerusuttoq

Kalaallit Nunaanni Timersortartut Kattuffiat aamma AWG 2016 suleqatigiinnissamik atsioqatigiipput. Kajumissutsimik suliaqartut saniatigut dommeriusartut pitsaanerulernissaanik suliniuteqartoqarnissaa anguniarneqarpoq

Arctic Winter Games 2016-mi dommeriusinnaasut amerlanerpaat kalaaliussasut sulissutigineqarpoq.

Taassunga atatillugu Kalaallit Nunaanni Timersortartut Kattuffiat aamma AWG 2016 suleqatigiinnissamik atsioqatigiipput. Kajumissutsimik suliaqartut saniatigut dommeriusartut pitsaanerulernissaanik suliniuteqartoqarnissaa anguniarneqarpoq.

Arctic Winter Gamesimi timersuutit peqataasussaanngitsut aamma tassani suliniummi ingerlanneqassapput, pitsaasunimmi dommereqartalernissaq siunnerfigineqarpoq.

Nunanit allanit saaffigineqartarneq
- Ilaatigut Islandimit nalunaarfigineqartarpugut timersuutini assigiinngitsuni dommereqarnersoq Kalaallit Nunaanni - unammersuarnerni soorlu AWG-tut ittuni dommereqarnersoq apersuutigineqartarpoq. Inuusuttunik amerlanerusunik dommereqalernissaa sulissutigissavarput. Nunatsinni dommeriusinnaasassapput kisiannili aamma nunat tamalaat unamminerini dommeriusinnaasassallutik, Lauritz Heilmann GIF-imit aamma Claus Nielsen AWG2016-mit tusagassiuutinut nalunaaruteqarput.

Lauritz Heilmann aamma Claus Nielsen oqarput timersuutit assigiinngitsut dommereqarnikkut siuarsartut.

- Tamanna timersornermut siunissamullu pitsaasuuvoq. Meeqqat ingerlalluaraangata sungiusaasorineqartut nersualaarneqartarput. Imaluunniit aamma unamminerni dommerit takutitsilluartut aamma nersualaarneqartarput, Lauritz Heilmann aamma Claus Nielsen oqarput.

Powered by Labrador CMS