GIF innersuussivoq: Silami timersortoqarsinnaavoq
Kalaallit Nunaanni Timersoqatigiit Kattuffianit timersornermi sammisaqartitsinerit ingerlateqqilernissaanut innersuunneqarpoq. Timersuutit pineqartut tassaapput silami timersornermi ingerlatsinerit timimiit timimut attaveqanngitsut
Silami sungiusarnerit pineqartut tassaapput timersuutit timimiit timimut attuisuunngitsumik ingerlanneqartartut kiisalu amerlarsoorsuullutik ingerlanneqartanngitsut Timersortartut Kattuffiannit innersuussutigineqarpoq.
Tamanna Tunillaassortunik nappaalanersuaqarneranut Ataatsimiititaliarsuup Nunattalu nakorsaanera ataatsimeeqatigereerlugu innersuunneqalersoq GIF nalunaarpoq.
- Eqqiluisaarnissaq inoqammullu qanillinaveersaarnissamik oqartussanit kaammattuutaasut malinneqarnissaat pingaartippagut, taamaattumik sungiusariarnermi timersuutinik atisereerluni takkuttarnissaq angerlarsimaffimmilu uffartarnissaq innersuupparput.
- Pingaaruteqarpoq oqartussanit eqqiluisaarnissamik inoqammullu qanillinaveersaarnissamut kaammattuutit maleqqissaarneqarnissaat, kiisalu timersuutini atortut atorneqareerpata asattarnissaat pingaartilluinnarparput, GIF allappoq.
Mianersortumik illersorsinnaasumillu timersornerit ingerlattarnissaat kaammattuutigineqaproq.
- Timersuutit tamarmik ammaaffigineqarnissaanut nalilersuiuarneq suli pisariaqarpoq, oqartussanillu innersuussutit malitassallu aallaavigalugit Timersoqatigiit Kattuffianit aalianginnginnermi nalilersortuassavagut. Illup iluani timersuutit massakkungaaq nalilersorlugit qulaajaavugut, oqartussat attavigineratigut. Illup iluani timersuutit pillugit illersorsinnaasumik ingerlanneqarnissaanut tunngatillugu Timersoqatigiit Kattuffianit piffissami qanittumi avammut nalunaaruteqarumaarpugut, nalunaarutigineqarpoq.