assammik arsarneq
GHF: Arnartagut 2015-mi VM-qataassapput
Kalaallit Nunaanni assammik arsartartut kattuffiata GHFip arnat nunanut allanut unammisartut aalluteqqilerniarpai
Qallunaat arnat assammik arsartartut VM-qarnerani aalajangiisumik pingasunngornermi ualikkut unammissapput. Maanna assammik arsartartut kattuffiata siunniuppaa 2015-mi kalaallit peqataanissaat. Tamanna ukiumi nutaami anguniarneqassasoq GHFip siulittaasua Nuka Berthelsen oqarpoq.
Qallunaat arnartaat assammik arsarnermi VM-mi pingasunngornermi ualikkut Tysklandimut kvartfinalemi unammissapput. Kissaatigineqarporlu 2015-mi Danmarkimi VM-qalerpat naalagaaffeqatigiinniit iligiit marluk peqataanissaat.
Angutit unammisartut
- 2013-ip ingerlanerani siornatigut angutit nunanut allanut unammisartut sungisaasuat Jakob Andreasen arnanut sungiusaasutut isumaqatigiissuteqarfigaarput. Taanna angutit 2007-mi Tysklandimi VM-imut anngunneranni sungiusaasuummat neriulluarfigaarput, GHFimi siulittaasoq Nuka Berthelsen oqarpoq.
Angutit VM-imut piareersarlutik aallartereerput Elite Sport Greenlandimiit aningaasaliiffigineqarlutik 2015-mi VM-qarnissaanut annguteriassallutik. Kalaallit arnat 2001-mili VM-imut atatillugu nunanut allanut unamminikuunngillat.