ajunaarnersuaq

Geus: Tassaarsuup meterinik qulinik portussuseqarluni nunaqarfik eqqorpaa

Nunatsinni tassaarsuaq 90 meterisut portussuseq angusimagaa amerikamiut ilisimatuut ilimagaat. Nunaqarfillu Nuugaatsiaq angugamiuk 10 meterinik portussuseqarpoq, GEUS taama naliliivoq.

Thomas Giachetti fra University of Oregon står ved en klump isbjerg, der blev skyllet op på land efter tsunamien. Klumpernes placering dokumenterer hvor højt tsunamien har været det pågældende sted.

Ilisimatuut USA-meersut nunap sisoorneranit tassaarsuaqarnermit eqqugaasoq, Nunatsinni Karrat Kangerluanniittoq misissuiffigisimavaat.

Geusimit ilisimaneqartut
Sineriammi nunap sisoorfigisaani malissuit 90 meterisut portutigisumut anngussimasut ilisimatuut avatangiisinut ilisimatuumik ataqqineqartumik Hermann Fritzimi ilaqartut naatsorsorpaat.

Danmarkimi Rundetårnimit marloriataa sinnerlugu portussuseqarpoq. Kangerluup illuatungaani ilisimatuut naapertorlugit 50 meterisut portussuseqarsimavoq.

- Taakku misissugaasa amerlanerpaartaat ilisimareerpagut, aammalu annaassiniaanermi siunnersuinitsinni ilaareerput.

- Kisianni ilisimatuut mallit sisoortoqarnerani qanoq portutiginersut aamma kangerluup illuatungaani portussusaannik ersarissumik naliliipput. Taakku marluk pingaarutillit takusimavaat.

Aamma atuaruk: Ilisimatuut: Malissui 90 meterisut portutigisimapput

- Taama annertutigineranik ilimasuuteqareerpugut, kisianni uppernarsillugit pitsaasuuvoq, Geusimi pisortap tullia, Flemming Getreuer Christiansen taama oqarpoq.

Geus Danmarkimi Nunatsinnilu ujarassiuutut misissuisoqarfimmut naalisagaavoq.

10 meterisut portussusilik
Nunarujussuup ujaqqallu kilometerimik ataatsimik portussusilimmit imaanut nakkaaffiani malissuaq 90 meterisut portussuseqartoq, kangerlummi nunaqarfinnik eqquisoq aamma inuit arlallit inuunerannik naleqartitsisoq pukkinnerusimavoq.

Aamma atuaruk: Ajunaarnersuarmut eqqugaasunut Islandimit tunissuteqarneq annertooq

- Nuugaatsiami (immaqa eqqorneqarnerpaasumi, red.) 10 meterisut portussuseqarsimanissaa ilimagaarput.

- Sisoorfiata nalaani malissuaq portusoorujussuuvoq. Kisianni mallit siaruaakkiartornerminni pukkiliartorput, Flemming Getreuer Christiansen oqarpoq.

/ritzau/

Powered by Labrador CMS