Skip to main content

GEUS Nuup eqqaani ullorissap anaata nakkarsimasinnaaneranik misissuisoq

GEUS innuttaasunit silaannarmi ikumasumik ingerlaartumik imaluunniit qaarpallannermik juunip 30-ani 2019-imi tusaasaqarsimasunit paasissutissanik katersileruttorpoq. Helene Johansen Zinckip silaannarmi ikumasoq ingerlaartoq nalaatsornerinnakkut assilisimavaa

Maannamut silaannarmi ikumasoq Nuuk qulaallugu sapaammi juunip 30-ani 2019-imi nal. 21.00 missaani ingerlaartoq pillugu paasissutissat annikitsuararsuupput.

Helene Johansen Zinck erfalasulerfimmik assiliisimavoq. Assimi ikumasut annikitsut marluk takussaapput, taakkualu GEUS-ip maanna ilimagilerpai tassaasut ullorissap anaa Nuuk qulaallugu  ingerlaartoq.

- Maannakkorpiaq paasissutissat annikitsuararsuupput. Maannamut innuttaasoq ataasiinnermik ikumasumik takunnissimavoq. Kisianni innuttaasunit piffissap taamaalinerani qaarpallannermik tusaasaqarsimasunit saaffiginnissutinik arlalinnik tigusaqarsimavugut, Trine Dahl Jensen, antropologiusoq GEUS-imilu ilisimatusartuunerusoq, oqarpoq.

Paasissutissat annikitsuinnaat

Assip innuttaasumit GEUS-imut nassiunneqartup innuttaasullu qaarpallannermik tusaasaqarsimasut marlussuit saaffiginnissutaasa saniatigut ullorissap anaanik Nuuk qulaallugu ingerlasoqarsimaneranut allanik takussutissaqanngilaq.

- Piffissap nakkarfiata nalaani nunap sajuppillassimaneranut tunngasunik malussartoqarsimanersoq misissorsimagaluarpara, kisianni takusassaqanngilaq, Trine Dahl Jensen paasissutissiivoq, erseqqissaallunilu, ullorissap anaata sajuppillannernik pilersitsinnginnera nalinginnaasuusartoq.

Borgmesterip Tasiilami innuttaasut naapissavai
Borgmesteri Charlotte Ludvigsen innuttaasut naapikkiartorlugit Tasiilamukassaaq
Nuummi upalungaarsimanermut pisortap tullersortaatut atorfinittoq: 5 minutsip iluani nalunartuaannarpoq susoqarsinnaaneranik
53-inik ukiulik Jakob Petersen, Nuummi peroriartortoq, 1.juli aallarnerfigalugu upalungaarsimanermut pisortap tullersortaatut atorfinippoq.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER