Greenland Expres Air
Gert Braskip ukioq manna angallassinissani taamaatippai
Aningaasat utertinneqarnissaat Greenland Express Airimit neriorsuutigineqarpoq
Tamanna Greenland Express Airip nittartagaani atuarneqarsinnaavoq. Timmisartuutileqatigiiffiup pisortaata Gert Braskip oqaatiginngilaa, sooq taamatut aalajangiisoqarsimanersoq.
- Angallassilernissatsinnut aporfiusut sulissutigileruttorpagut. Timmisartuussilernissatsinnut pilersaarusiornitta kinguneraa angallassisinnaajunnaarnerput. Sulinitsinnut aporfiusut aaqqinneqariarpata paasissutisseeqqikkumaarpugut, Gert Brask nittartakkaminni nassuiaavoq.
Pisoq ajuusaarnartoqartillugu oqaatigaa. Inniminniisimagaluartut aningaasaataasa utertinneqarnissaat neriorsuutigaa.
- Kalaallit Nunaannit Danmarkimullu 2015-mi timmisartuussinissaagaluatsinnut taamaatitsinerput ajuusaarutigaarput. 2015-mi timmisartuussisinnaanavianngilagut. Inniminniissutigineqarsimasut aningaasartaat piaarnerpaamik utertinneqassapput, oqarpoq.