Gerstrøm ikuallattoqareersoq: Sulinerput ingerlaannassaaq
Ilaqutariit Gerstrømikkut Nuummi qullersaqarfissamik marlunngormat unnukkut/unnuakkut ikuallarujussuarnera attortissutigisimavaat. Pilersaarutaagaluarpoq illut qaammatip tulliani atorneqalernissaat.
Usisaammi pisortaanerup Arnannguaq Gerstrømip Kalaallit Nunaanni Danmarkmilu sullitatik tamaasa eqqissisarlugit oqaatigaa, marlunngormat unnukkut ikuallarujussuartoqaraluartoq sulinertik ingerlatiinnarniarlugu.
- Nussuinermik assartuinermillu ingerlaqarpugut, tamannalu ikuallattoqarneranit sunnerneqanngilaq, Arnannguaq Gerstrøm Sermitsiaq.AG-mut oqarpoq.
- Nuummi sisamanik illorsuaateqarpugut, illulu ikuallattoq imaqanngilaq, aatsaallu qaammatip tulliani atulertussaangaluarluni, pisortaaneq Danmarkimi sulinngiffeqaatigalugni sulinerminut atatillugu angalasimasoq, ippassaq unnukkut nalunaarfigineqarsimasoq nassuiaavoq.
Qatserisartut politiillu nersualaarai
- Ilaquttakka attavigisimavakka, soorunami ikuallattoqarnerani attortissimavugut. Tamanna nuanninngilluinnarpoq. Nuannaarutigaarpulli ajoqusertoqarsimanngimmat. Aamma qatserisartut politiillu ikuallattumik qamisaallutik annertuumik suliaqarsimanerat qujassutigaarput, taanna oqarpoq.
Usisaammi pisortaanerup oqartussat ikuallannermut pissutaasumik misissuinerat maanna utaqqimaarniarpaa.
Aamma atuaruk: Politiit ikuallangaatsiartumik misissuiniarput
- Uannut maannakkorpiaq pingaaruteqarnerpaavoq, niuernermi suleqatitsinnut sullitatsinnullu eqqissisaanissaq, sulinerpummi sunnerneqassanngilaq susoqarsimanngitsutullu ingerlaannarniarpugut, taanna erseqqissaavoq.
Sanaartorneq kinguaattuussasoq
Ikuallannerup illut qanoq ajoqusersimatiginerai nalunarpoq, sanaartornerulli kinguaattoornissaa soorunami Arnannguaq Gerstrømip ajuusaarutigaa, Arnanngup angutaata Hans Gerstrømip nussuinermik assartuinermillu, quersuaqarnermik aamma sanaartornermik biilileriffeqarnermillu, aamma biilinik tuniniaanermik suliffeqarfik pilersissimavaa.
- Qullersaqarfissatta qaqangu piareernissaa soorunami naluara, suliatsinnilli aamma isumaqatigiissutitsinnik ingerlatsiinnarnissarput qularutigineqassanngilaq, Arnannguaq Gerstrøm erseqqissaavoq.
Sanaaartorneq 100 millioner koruuninik nsalilik MT Højgaard Grønland A/S-imit ingerlanneqarpoq
Ikuallattoqarneranit assit takukkit: Branden er næsten slukket
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...