Gerhardt Petersen sivisuumik napparsimareerluni toqukkut qimaguppoq

Atassummi siulittaasuusimasoq 64-nik ukioqarluni toquvoq

Gerhardt Petersen, Atassummi 2009-mit 2014 tikillugu siulittaasuusoq, Qaqortup napparsimaviani ataasinngormat nalunaaqutaq 23.07, sivisuumik kræftimik napparsimareerluni, toqukkut qimaguppoq.

Nulia Maria Petersen Sermitsiaq.AG-mut oqarpoq.

- 2018-mi kræftimik nappaateqartoq paasineqarpoq. Eqqissilluni toquvoq ilaquttani qaninnerpaat ilagalugit, oqarpoq.

Gerhardt Petersen Inatsisartuni ilaasortaavoq 2009-mit 2014 tikillugu, KNI A/S-imi aamma pisortaanertut inissisimanikuuvoq.

Siverth K. Heilmannip Gerhardt Petersen politikkikkut ukiuni arlaqartuni suleqatigaa.

- Toqukkut qimagussimaneranik tusarlerneqarpunga. Inutsialassuuvoq sulerusussuseqarluartuullunilu. Ullumikkut qanigisai eqqarsaatinniipput, oqarpoq.

Gerhardt Petersen 64-nik ukioqarluni toqukkut qimaguppoq.

Qaqagu ilisaassanersoq suli inissinneqanngilaq.

Powered by Labrador CMS