Skip to main content

Gerhardt Petersen: KNR paasissutissiinerluppoq

Jan. H. Lynge-Pedersenip soraarneranut Gerhardt Petersen attuumassuteqannginnerarpoq. KNR naqqiissuteqaqquvaa

Ippassaq sisamanngornermi radioaviisikkut oqaluttuarineqarpoq Gerhardt Petersenip KNI-mi pisortaagallarami Vittus Qujaukitsoq suliffeqarfissuarmi attaveqarnermut pisortanngortissimagaa. Atorfik Vittus Qujaukitsup 1 millioningajannik akissarsiaqarfia, ajunngitsorsiassat assigiinngitsut ilanngullugit.
2006-imili decembarip qiteqqunnerani Gerhardt Petersen siulersuisunit soraarsinneqarpoq suliffeqarfissuup aningaasaqarnerlunnerujussua pissutigalugu. Taamanikkut siulersuisuni siulittaasuup tullerisimavaa Jan H. Lynge-Pedersen.
Pisimasumik qanittorujussuarmik malinnaasut radioaviisimut oqaluttuarput Vittus Qujaukitsup Gerhardt Petersen tapersersorsimavaa ilaatigullu maanna Atassutip siulittaasuata millionilinnik soraarnerussutisiaqarnissamik piumasaqaataanik ikiorsimallugu, KNR nittartakkamini allappoq.
Soraarsitsinermut attuumassuteqanngilaq
Tamatumunnga Atassutip siulittaasua Gerhardt Petersen oqarpoq radioaviisi eqqunngitsunik paasissutissiisoq.
– Aningaasaqarnermut nunallu iluani pissutsinut Naalakkersuisoqarfimmi pisortaasimasup soraarsinneqarnerani sumilluunniit attuumassuteqarsimanngilanga.
– Aningaasaqarnermullu nunallu iluani pissutsinut Naalakkersuisoq Vittus Qujaukitsoq KNI-mi sulinermini ukiumut 1 million koruuninik akissarsiaqarsimanngilaq, uangalu aamma 10 millioner koruuninik soraarnerussutisiaqarnissannik piumasaqarsimanngilanga. Soraarnerussutisiat isumaqatigiinniutigineqarput eqqartuussissuserisut KNI-llu akornanni.
Gerhardt Petersenip piumasaraa KNR-p eqqunngitsumik paasissutissiinini naqqissagaa.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER