Skip to main content

Gerhardt: Kukkoqqinnissamut akissaaruppugut

Atassutip siulittaasuata Gerhardt Petersenip politikkikkut pissutsit ernumanartoqartippai

tassut naalakkersuisooqatigiinni suleqataaginnarniarpoq naak Naalakkersuisut amerlanerussutaat ataasiinnanngoraluartoq.

Naalakkersuisooqatigiit pissaaneq sapangissinnaavaat kukkusoqaqqissappat, Atassutip siulittaasua Gerhardt Petersen naliliivoq.

Partii Inuit siulittaasuata Nikku Olsenip naalakkersuisunut tunulequtaajunnaarnertik pillugu Gerhardt Petersen pingasunngornermi ullaakkut ilisimatippaa.

Gerhardt: Pissutsit ilungersunarsipput

- Nassuerutigisariaqarparput kukkoqqissamut maanna akissaqartoqanngimmat. Maannakkut killiffik ilungersunartutut nalilerpara, Gerhardt Petersen Sermitsiaq.AG-mut oqarpoq.

Hans Enoksenip Siumut sapaatip akunnera kingulleq qimappaa maannalu Partii Inuit aalajangerput naalakkersuisunut Inatsisartuni tunulequtaajunnaarniarlutik oktoberimi 2013-mi naalakkersuisunit soraarsitaanermik kingorna tunulequtaaginnarnissartik toqqarsimagaluarlugu.

- Naalakkersuisuni Siumumik suleqateqaannarnissarput Atassummi aalajangiusimavarput. Isumaqarpugut naalakkersuisooqatigiinnissami isumaqatigiissummi anguniakkat soorlu uranimut naaggaarluinnarnerup atorunnaarsinnera, aatsitassanut inatsit isorliunerusunillu ineriartortitseqqinnissamik siunnerfiit partiitsinnut ima naleqartigisut suleqatigiinneq ingerlaqqittariaqarluni, Gerhardt Petersen oqarpoq.

Naalakkersuisooqatigiit maanna amerlanerussuteqaqqalaaginnalerput Inatsisartuni ilaasortat 16-it tunulequtarigamikkit illuatungiliuttut 15-nik tunulequtaqartut.

- Ataasiinnarmik amerlanerussuteqarneq misilinneqareernikuuvoq, kisianni tassa demokratii taamaappoq, Gerhardt Petersen naggasiivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER