Polar Pelagic Fest
Gerda Vilholmi Tasiilami eqqaaniarneqarpoq
Tasiilami Polar Pelagic Fest pingajussaannik ingerlanneqassaaq, Gerda Vilholmilu inuiaqatigiinnut sunniiteqarluarsimasoq sapaatiuppat eqqaaniarneqassalluni.
Ullumi skakkertartut peqatigiiffiat Hrókurinni Polar Pelagic Festi pingajussaanik ingerlatissallugu angalaleruttorput.
Kulusummi, Tasiilami immaqalu Tiniteqilaami nalliuttorsiorneqassasoq, skakkertartut peqatigiiffiat Hrókurinni taama paasissutissiivoq.
- Polar Polagic Skakfestivalimi pingaarnertut pisussaq tassaavoq tasiilarmiu qanittukkut toqusoq Gerda Vilholm sapaatiuppat februaarip 19-ni eqqaaniarlugu unammiuaartitsinissaq. Gerda Vilholmi Tasiilami meeqqanut inuusuttunullu ukiuni arlarlinni sernissortaasimavoq, Kristjana G. Motzfeldt taama oqaluttuarpoq.
Borgmesterimut sinniisussap Inatsisartunilu ilaasortaasup Justus Hansenip oqalugiaatigaluni festivaalerneq ammaanersiussavaa. Illoqarfimmiut tamarmik qaaqquneqarsimapput, skakkeqataarusuttunulli kingusinnerpaamik nalunaarfissaq nalunaaqutaq ataatsinut killilerneqarsimalluni, skakkertartut peqatigiiffiat taama paasissutissiivoq.
Hrókurinnsip ukioq manna aatsaat siullermik nunatsinnukarpoq taamaasillunilu nunatsinni ukiut 13-nissaat sulisussanngorluni. Peqatigiiffiup nunatsinnut angalasimaneri maannamut 60-it missaaniipput, "Unammiuaarnermi Tunissut" oqaatsit najoqqutaattut atorlugu "nuannaartorujussuulluni".