Geisler: Qineqqusaarnermi sulinngiffeqassanngilanga
IA-mi politikkeri Sofia Geisler Folketingimut qineqqusaarnermini Inatsisartuni sulinngiffeqassanngilaq
Inatsisartuni oqallinneq qineqqusaarnermut atorneqassanngitsoq Pele Broberg pingasunngormat oqarpoq, Folketingimut qineqqusaarnermini Inatsisartuni sulinngiffeqassalluni nalunaarutigalugu.
Akerlinganik Sofia Geisler Inatsisartuni qinikkatut suliinnassaaq, tamanna Sermitsiaq.AG-mut oqaatigaa.
Ulapissaaq
- Sulininni suliassakka tulleriiaalluartariaqarpakka, tamanna pisinnaallugu nalunngilara, Sofia Geisler Inatsisartuni ataatsimiititaliani assigiinngitsuni pingasuni ilaasortaasoq oqarpoq.
- Nordisk Rådimi aamma ilaasortaavunga, tassani folketingimut qinersisoqareerpat ataatsimeeqqittussaavugut, ilisimatitsivoq.
Angalanermi sulinngiffeqarneq
Illoqarfinni allani qineqqusaassaguni Inatsisartuni angalanerminut atatillugu sulinngiffeqassalluni oqarpoq. Angalanerminut atatillugu angalassaguni Inatsisartunit akissarsiaqassanani oqarpoq.
- Inatsisartuni suliakka sumiginnarusunngilakka, suleqataanermullu peqataarusullunga, oqarpoq.