Geislerip siunnersuutini ataatsimiinnissamit tunuartippai
IA-mi politikkerip Sofia Geislerip politikkikkut nalorninartumik inissisimasoqarnera pissutigalugu, Inatsisartuni apeqquteqaat aallaavigalugu oqallittoqarnissaanik siunnersuutini marluk oqaluuserisassanit tunuartissimavai.
Aalisartunut akiitsulinnut malittarisassat nutaat aamma innuttaasut akornanni naqinnernik ilisiarinnissinnaanngitsut aamma atuarniarnermik/allanniarnermik ajornartorsiuteqartut ikiorserneqarnissaannut nuna tamakkerlugu iliuusissatut pilersaarut Ukiuunerani ataatsimiinnermi oqallisigineqassanngillat.
Sofia Geislerip apeqquteqaatit aallaavigalugit oqallinnissanik marlunnik siunnersuuteqarsimasup nassuiaatigaa, qinersisoqarsinnaaneranik naatsorsuutiginnittoqarnera Inatsisartuni oqallinnermut sunniuteqartussaammat, siunnersuutimi suliarineqarnissaat kissaatiginagu.
- Allatut isummersimanera matumani pineqanngilaq. Samisassalli pitsaasumik oqallissutigineqarnissaat qulakkeerusuppara, IA-mi politikkeri nammineq kisimi aalajangiisimanerminik erseqqissaasoq nassuiaavoq.