Skip to main content

Geisler uteriittoq: Kim timmiarniartuua imaluunniit aalisartoq?

IA tunuliaqutaralugu politikeri Sofia Geislerip ippassaq Naalakkersuisut Siulittaasuata Naalakkersuisoqarfiata akissutaat naammaginngilaa, akissummi Kim Kielsenip attuumassuteqarneranik nalornissutigineqartut tamarmik itigartinneqarput.

Sofia Geislerip Naalakkersuisut Siulertaasuata inuussutissarsiutigalugu piniarnermut allagartaqarnera innersuussutigaa tamannalu tunngavigalugu Nuup Kangerluani aqutsiveqarfimmik pilersitsisoqassaneranut apeqqummut tunngatillugu peqataasinnaannginnersoq paaserusussimallugu.

Naalakkersuisut Siulittaasuata Naalakkersuisoqarfia ilisimatitsivoq Kim Kielsen tassa inuussutissarsiutigalugu piniarnermut allagartaqartoq aammattaaq tamanna inuussutissarsiutigalugu aalisarnissamut pisinnaatitsinngitsoq ilisimatitsissutigaat.

Nalinginnaasumik immersugassaq

Kiasianni eqqumiitsoq tassaavoq taamani ulloq 10. Marts 2015 nalinginnaasumik immersugassami inuussutissarsiornikkut aningaasanullu tunngasunik soqutigisaqarnini nalunaarutigimmagu.

Isertitanut tunngasut aamma imm. 3 pillugit:

Inatsisartunut ilaasortaanerup saniatigut namminersortutut isertitaqarfiusumik ingerlataasartut. Ingerlatap suunera nalunaarsorneqassaaq.

Kim Kielsenip immikkoortoq una ima nalunaarsorsimavaa:

Aalisartoq/Piniartoq

 

Tamanna Sofia Geislerimit una tunngavilersuutigalugu apeqquserneqarpoq:

- Aalisarnermut akuersissummik Naalakkersuisut Siulittaasuat peqarsimappat tamatuma malitsigisariaqarpaa aalisarnerup qanoq annertutigisumik ingerlanneqarnerata nalunaarutiginissaa, aammalu aalisarfigisaani aqutsiveqarfimmik pilersitsinissamut atatillugu sulinermut Naalakkersuisut Siulittaasuata akuusinnaannginneranik / aalajangeeqataasinnaannginneranik tamanna malitseqarnersoq, Sofia Geisler allappoq.

Qaleraleqassuseq suli maannamut aqunneqanngitsoq annertuumik aalisartoqarneratigut innarlerneqarsimasoq innersuussutigaa.

Eqqartuineq alla

Allakkami allami Kim Kielsenip ulloq 19. maj 2015-imi atsiorsimasaani Kim Kielsen Inatsisartut Siulittaasuannut ilisimatitsivoq inuussutissarsiutigalugu piniarnermut allagartaqarluni, aammali aalisartarluni taanagu tamannalu qaammatit marluk sioqqullugit skiimap paasinarsisippaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER