Skip to main content

Geisler tunillatsissimasoq pillugu: Iluamik paasissutissinneqarneq ajorpugut

Politikkeri Sofia Geisler Nanortalimmi coronamik tunillatsissimasoq pillugu suliami oqartussanik isornartorsiuivoq. Innuttaasut paasissutissinneqarnerusussaapput, Naalakkersuisullu paasissutissiilluarnerusariaqarput.

Kujataani ilisimatusartut umiarsuaanni inuttap coronamik tunillatsissimanera pillugu oqartussat nalunaarutaat apeqqutissaqartitsineruliinnarpoq.

Taamatut isumaqarpoq Inatsisartuni ilaasortaq Sofia Geisler (IA).

- Paasiuminaalluinnarpoq, angallatip coronamik tunillatsissimasumik ilaasullip nunamit suminngaanneerneranik sooq paasitinneqarsinnaannginnerput, Sofia Geisler tusagassiorfinnut nalunaaruteqarnermi allappoq.

Kina akisussaasuua?

Sofia Geislerip aamma paaserusuppaa, coronamik tunillatsittoqarsimanerata malitsigisaanik angallammi peqqissutsimut tunngatillugu ajorluinnartumik pisoqassagaluarpat akisussaaffimmik kina tigusissanersoq.

KNR-p marlunngormat oqaluttuaraa, tunillatsissimasup inuttallu allat mattussimasussaaneq pillugu malittarisassanik malinnissimanngitsut aamma Nanortalimmi taakku angalaarsimasut Nunatsinni Nakorsaanerup Henrik L. Hansenip ilisimatitsissutigisimagaa.

Taamatut paatsoortoqarsinnaappat, apeqqutaalerpoq oqartussat Kalaallit Nunaanni coronamut tunngatillugu malittarisassanik qanoq umiarsuarnut nunanut allaneersunut nassuiaateqarsimanersut, Sofia Geilser oqarpoq.

Naalakkersuisut paasissutissiinerusariaqartut

Politkkeri naapertorlugu, Naalakkersuisut piaarnerpaamik paasissutissiisariaqarput.

- COVID-19-imut tunngatillugu oqartussat paasiuminartumik tutsuiginartumillu paasissutissiisariaqarput, Sofia Geisler oqarpoq.

Sapaatip akunnerani kingullermi tallimanngornikkut Namminersorlutik Oqartussat Nanortalimmi tunillatsittoqarsimasoq oqaluttuarat.

Corona pillugu sulisoqatigiit tassunga atatillugu ilisimatitsissutigaat, umiarsuaq coronamik tunillatsissimasumik issimasulik imaani avataaniittoq, piumaffigineqarsimasorlu innuttaasunik tunillaassuisinnaaneq pinngitsoortinniarlugu angalajunnaassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER