Skip to main content

'Gay Greenland' akissarsitinneqarnissaa innersuunneqartoq

Saqqummersitaq ‘Gay Greenland’, suiaqaatiminoortartunik 61-inik assilillugit ilisarititsinerusoq, LGBT-ip Danmarkimi akissarsititsinissaani kulturikkut akissarsisussatut innersuunneqarpoq

Ilisarititsilluni saqqumersitaq, inunnik ikinnerussuteqartunik, nalinginnaasumillu nipaallutillu saqqumisuunngitsunik takutitsisoq, aamma nunatsinni suiaaqatimoortarneq pillugu siullerpaamik assilisatigut saqqummersitsiffiusoq, kulturikkut akissarsitinneqarnissaa LGBT-i Danmarkimi akissarsisitsisaalerpat innersuunneqarpoq.

Taama Napa - Nunani Avannarlerni Piorsarsimassutsikkut Attaveqaat tusagassiuutinut allappoq.

Ilisarititsilluni saqqummersitsineq Napamit assiliisartoq Jørgen Chemnitz suleqatigalugu suliaavoq.

Saqqummersitsinissamut taamani suliniuteqartuuvoq Napap pisortarisimasaa Leise Johnsen, maanna Kalaallit Illuutaanni Københavnimi pisortatut atorfeqartoq.

- Innersuunneqarnerput nuannaarutigaarput. Eqqortumut alloriarneruvoq LGBT-ip Kalaallit Nunaanni ersarissarneqarnissaanut, Leise Johnsen oqarpoq, nangillunilu:

- Aningaasartaqassapput ajugaassaguttalu, taava aningaasat Kalaallit Nunaanni LGBT-ip peqatigiiffittaavanut Qaamanermut tutsinneqassapput.

‘Gay Greenland’ Katuami, Taseralimmi, Reykjavikkimi, Thorshavnimi aamma Nordatlantens Bryggemi, saqqummersitallu ilai nunatsinni kommuunit allaffiinni siornatigut saqqummersinneqartarnikuupput.

Akissarsisitsineq Danmarkimi Cirkusbygningenimi februaarip sisamaani ingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER