aatsitassarsiorneq

GA: Kalaallit Toronto iluatsitsilluartut

Kalaallit suliffeqarfiutaat, PDAC-p Torontomi ataatsimeersuartitsinerani peqataasut soqutigineqarluartut Sulisitsisut Peqatigiiffiata, aallartitanik tallimassaanik aqutsisuusoq nalunaaruteqarpoq

Råstoffer, mineindustri, efterforskning
Asseq toqqorsivimmeersoq

Kalaallit Nunaanni Sulisitsisut Peqatigiiffiat, Nunatsinnit inuussutissarsiutinik aallutaqartut silarsuarmi aatsitassiornermik suliaqartut naapeqatigiinnerisa annersaanni, PDAC-p Torontomi ataatsimeersuartitsinerani, nalunaaruteqarput kalaallit suliffeqarfiutaat ataatsimeersuartitsinermi peqataasut soqutigineqarluartut, kiisalu suliffeqarfiit aamma nunani tamalaani aatsitassiornermik suliaqartunut takutitsilluarsimasut Nunatsinni aatsitassarsiornermik aallutaqarniartunut sullissisuusinnaanerminnut.

Atuaruk: Aatsitassarsiornermi saqqummersitsivissuarmi Kalaallit Nunaat soqutigineqarluaqqittoq

Kalaallit Nunaanni Sulisitsisut Peqatigiiffiat Nunatsinni inuussutissarsiornermik aallutaqartut silarsuarmi aatsitassiornermik suliaqartut naapeqatigiinnerisa annersaannut peqataajartornermi tallimassaanik siuttuuvoq.

Aallartitat aaqqissuussinerit assigiinngitsut pissanganartullu aqqusaarsimavaat - ilaatigut Mining Association of Canada, Nunavut Chamber of Mines, ingeniørit siunnersuisartut, eqqartuussisuserisut immikkut aatsitassarsiornermut ilisimasallit kiisalu minnerunngitsumik Rod Thomas, PDAC-imi ataatsimeersuarnermi aqutsisuusoq naapissimagaat, GA-mit ilisimatitsissutigineqarpoq.

Atuaruk: Aatsitassarsioqatigiiffik: Kalaallit Nunaat soqutiginaateqarpoq

Kalaallit Nunaanni Sulisitsisut Peqatigiiffiata nalunaaruteqarnera naapertorlugu Nunatsinnit aallartitat isumasioqatigiinneq ‘Sustainable Mining in Greenland’ aaqqissuussimavaat.

- Isumasioqatigiinnermi ilaatigut Nunatsinni ullumikkut aatsitassarsiortuni arfineq-marluusuni aqutsisut apeqqarissaarfigineqarput Nunatsinni aatsitassiornermut isummersuutaat, aatsitassiorfiit maanna suliarisaat suliariumaagaallu pillugit, kiisalu aamma suut aporfiusinnaanersut, GA tusagassiuutinut nalunaaruteqarluni taama allappoq.

Atuaruk: Pdac: Aatsitassarsiorfinni ingerlalluartut akornanni Kalaallit Nunaat appariaqqittoq

- Nunanit tamalaanit ilisimasallit, aningaasaliisartut, aningaaseriviit, inatsilerituut, ingeniørit siunnersuisartut assartuinermillu suliaqartut Nunatsinni aatsitassarsiornermi periarfissat aporfissallu itisilerlugit oqaluuseraat, GA allappoq.

Aningaasaqarnermut aatsitassanullu naalakkersuisoq, Demokraatineersoq Anda Uldum, isumasioqatigiinneq tamaat naalakkersuisoqarfimmi pisortani, Jørgen T. Hammeken-Holm, peqatigalugu malinnaavigaa.

Nunatsinni peqataasut saniatigut Canadamiit, Australiamiit, USA-miit Europamiillu alakkarterisoqarsimavoq.

Atuaruk: Rubinisiorfik nutaalianik nakkutiginninnermi atortoqassaaq

Powered by Labrador CMS