Skip to main content

Future Greenland oqaloqatigiinnermut naapeqatigiiffiuvoq

Nunanut allanut ministeriusimasoq Martin Lidegaard Danmarkimi politikerit nuimasut Kalaallit Nunaannut qaninnerpaamik inummullu namminermut tunnganerpaamik atassuteqartut ilagaat. Future Greenlandimi ilaatigut nunat taakkua marluk qilerutit nukittuut attatiinnanerisigut pissarsiassaqarnerpaanerat tikkuarusuppaa.

Martin Lidegaard naalagaaffeqatigiinnermik pingaartitsilluartuuvoq, tamannalu isaani aatsaat taama pisariaqartinneqartigilersimalluni. Sorpassuarnik pissuteqartumik. Tamakkua ilagaat nunarsuarmi nunarpassuit nunallu immikkoortortarpassuisa sanngiinneruleraluttuinnarnerat, pissaanilissuit nukittuneruleraluttuinnarneranni – pissaanerminnillu atuiniarlutik malunnartumik tunuarsimaarfeqannginneranni. Tamanna ataqatigiinnissamik pisariaqartitsivoq.

Aviisi Sermitsiaq taama allaaserisaqarpoq.

Martin Lidegaard, 1966-imi inunngortoq, cand.comm.-itut ilinniagaqarsimavoq. Namminersortuni inuiaqatigiinnilu suliffeqareersimalluni 2001-imi Radikale Venstre sinnerlugit Folketingimut qinigaavoq, tamatumanilu ilaatigut silap pissusianut, nukissiuutinut, avatangiisinut, isumaginninnermut, inuussutissanut angallanermullu tunngasuni oqaaseqartartuulluni.

Danmarkimi mingutsitsinnginnissaq siunertaralugu eqqarsaqatigiittarfimmik CONCITO-mik 2008-mi pilersitseqataavoq suliitigalunilu siulittaasuulluni, Margrethe Vestagerimit silap pissusianut, nukissiuuteqarnermut illuutinullu ministerinngornissaminik 2011-mi qinnuigineqarnissami tungaanut. Naalakkersuisoqatigiit SR-ikkut juunimi 2015-imi tunuarnissaata tungaanut atuuffigisaminik februaarimi 2014-imi nunanut allanut ministerinngorpoq. Lidegaard Radikale Venstret Folketingimi gruppiannut ullumikkut siulittaasumut tullersortaavoq.

- Politikkikkut allanngulerfimmi pisariusumi inuuvugut, Martin Lidegaard, Sermitsiamit Københavnimi oqaloqatigineqarluni oqarpoq. – Tamanna Europami atuuppoq, tamatumanilu talerperliit inuiaassutsimik pingaartitsisut iluareqqusaartullu arlallit ”uagut illuanilu taakkua” oqariartaasiullugu nunavissuarmi avissaartuutsitsiniarsaralutik. Tamanna Atlantikoq ikaarlugu attaveqarfitsinnut atuuppoq, tamatumanilu USA-mi præsident Trump eqqoriaruminaatsoq EU-mik NATO-millu suleqateqarnermik apeqqusersuilluni. Tamanna naalagaaffeqatigiinnermi aamma ajoraluartumik atuuppoq, arlaqaleraluttuinnartunit oqaatigineqartalermat peqataasut pingasut avissaartariaqartut. Tamanna isumaqatiginngilara, taamaattumillu nipituumik ersarissumillu oqarlunga: “Naalagaaffeqatigiinneq attatiinnarusuppara ineriartorteqqikkusullugulu. Suleqatigiinnermimi naligiiffiusumi, ataqqeqatigiiffiusumi assigiimmillu pingaaruteqarfiusumi immitsinnut paasinissarput immitsinnullu atornissarput aatsaat taama pisariaqartigilersimavoq. Tamakka immikkoorluta kisimiileraluarutta unammilligassat arlaannaalluunniit naalagaaffeqatigiit immikkoortuinit assigiinngitsunit atorneqaleraleraluttuartut annikillilartornavianngillat. Naamerluinnaq.

Future Greenlandimi sammisat suut eqqartorneruniarpigit?

– Saqqummiussassara qulequtserpara ”Naalagaaffeqatigiinnerup Danmarkimut pingaarutaa”. Tamanna isumaqarpoq, Kalaallit Nunaannit isigalugu ukiuni hundredelinni ataatsimut oqaluttuarisaanerput isiginiaannassanngikkiga, Lidegaard akivoq.

Allaaserisaq tamaat Sermitsiami atuaruk – uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER