Futsal: Unamminerit aalajangiisut unammissutigineqassapput

Futsalerluni unammersuaarnermi Grønlandsbanken Final 6-imi unamminerit pissanganartut ullumi ingerlanneqassapput. Pissartanngorniunnerit Nuummi Inussivimmi ingerlanneqarput.

Ullumi unammisussat: Sineriak - Kagssagssuk, Kugsak - B-67 aamma N-48 - N-85. Unamminerit naammassippata paasinarsissaaq kikkut aqagu semifinalimi unammissanersut.

Ukioq kingulleq pissartat B-67 unamminerni aallarniutaasuni ajugaasuupput, taakku sisamaattut inissittunut aqagu semifinalimi unammissapput. Aappaattut pingajuattullu inissittut aqagu semifinalimi aamma unammissapput.

Kagssagssuk Kugsammut ajugaavoq

Sisamanngornermi unamminermi siullermi Maniitsumit Kagssagssuk aamma Kugsak Qasigiannguit unammipput, tassani Kugsak aallartilluaqqaarpoq unamminermi isertitseqqaartuulluni. Isertitsereermatali Kagssagssuup unammineq aqulerpaa, muminnermi 5-1-mik siuaqqalluni. Unamminerup immikkoortuisa aappaani Kagssagssuk arsaalluarnini ingerlatiinnarpaa, 2-11-mik ajugaalluni.

Sineriak aamma Nagdlunguak unamminerat sisamanngornermi pissanganarnersaavoq. Ilulissanit Nagdlunguak unamminermi aallartilluarput, muminnermi 0-2-mik siuaqqallutik.

Unammisut mumereerneranni Sineriak sukataarluarpoq, Lars Erik Reimer isertitsimmat unammisut pissanganarsiteqqippai. Sivitsunngitsoq aamma isertitseqqippoq, unammisut 2-2-mik naligiitsilerlugit.

Sineriak 0-2-mik kinguarsimaqqaarluni 3-2-mik siuarpoq, naggataatigut Nick Reimer isertitsisuulluni 4-2-mik. Taamaasilluni Sineriak unamminermi ajugaavoq.

Unamminermi kingullermi B-67 aamma N-85 unammipput. Muminnermi ukioq kingulleq pissartaasut 7-0-mik siuaqqapput, unammineq naammassivoq 15-1