Futsal: Timersoqatigiiffiit arfineq pingasut GM-imut anngupput
Avannaani kujataanilu futsalimik anngunniunnerit ingerlanneqareersut maanna timersoqatigiiffiit arfineq pingasut GM-imut annguttut nassaarineqarput
Avannaani aamma Kujataani angutit futsalimi regionsmesterskabimi unammersuaarput akunnerup naanerani.
Kujataani anngunniuttut Nuummi unammersuaarput, tassani inissinniunnerit tallimanngormat ingerlanneqarlutik. B-67 regionsmesterinngorput, ajugaanniuunnermi Young Guns Futsal 9-1-mik ajugaaffigalugit. Nuummi unammersuaarnermi GM-imut inissat pingasut unammissutaapput, taamaattumik bronzinnanniunnermi GM-imut unammissutissaq ataaseq unammissutaavoq.
Tassani IT-79 aamma Nagtoralik unammipput, unamminermi isertitsinerit amerlapput. Unamminermi IT-79 5-4-mik ajugaavoq, taamaasilluni GM-imut anngulluni.
Tasiilamit ATA tallimaattut inissippoq, Kagssagssuk arferngattut, GSS kiisalu NÛK inissani tulliuttuni inissillutik.
Avannaanit timersoqatigiiffiit sisamat
Ilulissani avannaani regionsmesterskab ingerlanneqarpoq, inissinniunnerit ippassaq sapaatiummat ingerlanneqarlutik.
G-44 regionsmesterinngorput Iluliarmiut Nagdlunguak ajugaanniutivinnermi ajugaaffigalugit. Upernavimmiut UB-83 bronzinnattuupput, FC Malamuk sisamaattut inissilluni. Timersoqatigiiffiit taakku sisamat GM-imut anngupput.
Kangaatsiarmiut FC Aqisseq avannaani regionsmesterskabimi tallimaattut inissipput, I-69 arferngattut kiisalu Qaanaaq Sport Club arfineq aappaattut inissillutik.
GM-imut annguttut:
- B-67, Nuuk
- Young Guns Futsal, Nuuk
- IT-79, Nuuk
- S-68, Sisimiut (aaqqissuisut)
- G-44, Qeqertarsuaq
- N-48, Ilulissat
- Fc Malamuk, Uummannaq
- UB-83, Upernavik
Sisimiuni GM ingerlanneqassaaq sapaatip akunnerani 16-mi.