KL

DK

Futsal: NÛK-p niviarsiarartai pissartanngorput

Niviarsiaqqat 18-it ataallugit ukiullit sapaatip akunnera kingulleq futsalimi pissartanngorniupput. Isiginnaartoqarfiunngitsumik unammersuaarneq ingerlanneqarpoq

redaktionen

Nunatsinni pissartanngorniunneq ataaseq sapaatip akunnera kingulleq ingerlanneqarpoq, U18-it niviarsiaqqat futsalimi pissartanngorniullutik.

Coronavirusimik tunillaassuuttoqannginnissaa anguniarlugu unammersuaarnermi isiginnaartoqanngilaq.

Nuummi Godthåbhallimi pissartanngorniuttoqarpoq, Nuummit timersoqatigiiffiit sisamat kiisalu Ilulissanit I-69 peqataallutik.

Unammersuaarnermi unamminerit kingulliit sapaatiummat ingerlanneqarput. Unammersuaarnermi pissartanngorput NÛK hold 2, Ilulissanit I-69 sølvinnallutik. NÛK hold 1 bronzinnattuupput, IT-79 sisataattut, kiisalu B-67 tallimaattut inissillutik.

Toqqarneqartut:

  • Målmand
  • Nadia Lundblad, Nûk
  • Unammisartut:
  • Aili Platou, Nûk 2
  • Kristine Nielsen, I-69
  • Ajla-bibi Knudsen, Nûk 2
  • Marie Broberg, I-69

Arsaattut toqqarneqartut:

  • Årets Fighter: Emma Hansen Nûk 1
  • Årets Tekniker: Kristine Nielsen I69
  • Årets Spiller: Ajla-Bibi Knudsen Nûk
timersoneq
Powered by Labrador CMS