futsal

Futsalimi unammisartut nunani avannarlerni unammiuaarnermut peqataalertut

Kalaallit futsalimi nunanut allanut unammisartuisa Nordic Futsal Cupimi Danmark, Norge, Sverige kiisalu Finland unammissavaat

Kalaallit futsalimi nunanut allanut unammisartut pissanganartunik unammisassaqarput

Kalaallit futsalimi nunanut allanut unammisartui decambarimi nunani avannarlermiut unammiuaarnerannut, Nordic Futsal Cupimut, Sverigemi pisussamut peqataassapput.

Kalaallit Nunaannit Arsaattartut Kattuffiata nunanut allanut unammisartut unammiuaarnermut annertuumut peqataalermata tupaallannanngitsumik qiimmatsaatigaa.

- Nordic Futsal Cupimut peqataaneq Nunani Avannarlerni arsaattartut kattuffiinit GBU-p anguniagaanut, tassa UEFA/FIFA-mut ilaasortanngorniarnermut paasinninneruvoq, GBU-mi siulittaasoq, John Thorsen, tusagassiuutinut nalunaarummi allappoq.

Maligassiuisut sungiusarnerlu sakkortooq
Peqataasussat maanna nunanut allanut unammisartut sungiusaasuinit, Tekle Ghebrelulimit aamma René Olsenimit toqqarneqareerput.

-Unammisartut toqqarneqartut futsal GM-imi aamma silami arsaalluni GM-ertoqarnerani takutitsilluartuupput. Tassanilu aamma unammisartut inuusuttunut maligassiuilluartuunissaat kiisalu sungiusarluartuunerat pingaartinneqarpoq, sungiusaasut erseqqissaapput.

15-nut ikilisinneqassasut
Unammisartut sapaatip-akunneranut tallimat arfinileriarlutilluunniit sungiusartarnissaat, ataavartumillu misilitsinnernut aaqqissuunneqartunut angusisarnissaat piumasaqaataavoq.

Unammisartut toqqarneqartut katillugu 31-iupput, taakkulu Nordic Futsal Cup decembarimi pisussaq sioqqullugu 15-inut ikilisinneqassapput. Tassanilu unammisartut sungiusaasunut takutitsilluarniarsaralutik Kalaallit Nunaat sinnerlugu Nordic Futsal Cupimut peqataanissartik unammissutigissavaat.

Kalaallit unammisartut Nordic Futsal Cup 2016-imi Sverigemi ima programmeqarput:

  • 01.12.2106 Finland - Kalaallit Nunaat, Arena Skövde
  • 02.12.2016 Danmark - Kalaallit Nunaat, Jönköping Idrottshus nal. 1700 svenskit nalunaaqutaat malillugu.
  • 03.12.2016 Norge - Kalaallit Nunaat, Arena Skövde
  • 04.12.2016 Sverige - Kalaallit Nunaat, Arena Skövde

Unamminissat sinnerinut nalunaaquttat kingusinnerusukkut aaqqissuisunit saqqummiunneqassapput.

Unammisartut 31-iusut toqqarneqartut ukuupput:

  • 1 Loke Svane
  • 2 Gabriel Petersen
  • 3 Malik Mikaelsen
  • 4 Brian Kleist
  • 5 Maasi Maqe
  • 6 Frederik Funch
  • 7 John Ludvig Broberg
  • 6 Lars Peter Broberg
  • 7 Nikki Petersen
  • 8 Markus Jensen
  • 9 Ari Hermann
  • 10 Kaassannguaq Zeeb
  • 11 Hans karl Berthelsen
  • 12 Nick Reimer
  • 13 Lars Erik Reimer
  • 14 Katu Madsen (DK)
  • 15 Søren Kreutzmann
  • 16 Nathan Møller
  • 17 Peter Leibhardt
  • 18 Inuk Knudsen (DK)
  • 19 Aputsiaq Olsen
  • 20 Ado Løvstrøm
  • 21 Johan Bidstrup
  • 22 Kuluk Hermansen
  • 23 Erni Tellesen
  • 24 Anders H Petersen
  • 25 Kuno E. Petersen
  • 26 Aabilinnguaq Sandgren
  • 27 Ittukusuk Isaksen
  • 28 Aputsiaq Birch/Niels Svane
  • 29 Aqqalu O. Larsen
  • 30 Karl Peter Street
  • 31 Karsten Andersen
Powered by Labrador CMS