Skip to main content

Futsalimi pisassaanngitsut: Kalaallit Nunaat 7 - Nunavut 0

Kunngissaq Frederik Kalaallit Nunaata aamma Nunavup akornanni unammineranni Nuummi timersortarfimmi tikilluaqquneqarpoq, tassani Kalaallit Nunaat målinik arfineq-marlunnik ajugaavoq

Unamminerup aallartinnerani minutsini sisamani siullerni isertitsinerit sisamat. Kalaallit Nunaata aamma Nunavup akornanni futsalimik unammineq aallartippoq.

Futsalimi unammineq Kalaallit Nunaata sanilinut Nunavumiunut unammineq aallartillualaavippaat.

Tamanna kunngissaq Frederimmit isiginnaarneqarpoq, taanna timersortarfimmut iserami annertuumik ersaattaffigineqarpoq.

Frederiup tassani inuusuttut timersortartut assigiinngitsuneersut ilassiortorpai. Alaskamiut angalatitaasa akornannit prinsimik ilassinninniarneq soqutigineqarluarpoq.

Unammineq 7-0-mik naammassivoq, kalaallit ajugaallutik. Unamminerli tamakkerlugu isertitsisaqattaartoqanngilaq.

Unamminerup immikkoortuata siulliup naalernerani piffissami sivisuumi isertitsisoqanngilaq, kingorna Kalaallit Nunaat isertitseqqippoq, taamaalillunilu muminnermi 5-0-mik siuaqqalluarpoq.

Unamminermi isertitat arfinilissaa Lukas Sørensenimit isertinneqarpoq, unamminerup aallartinneranit sekundit quliinnaat qaangiuttut taassuma aamma måli siulleq isertippaa.

Arctic Winter Games pillugu nutaarsiassat kingulliit atuakkit:

Futsalimi sukkasuumik unammisut - Frederik utaqqineqartoq

Inernerit uani malinnaavigisinnaavatit

DMI: Marlunngorpat anorlileqqissaaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER