Futsalimi nunanut allanut unammisartut toqqarneqarput

Nunanut allanut unammisartut Kroatiami qaammammi matumani nunat tamalaat unammiuaarneranni kalaallit peqataassapput. Unammiuaarnissamut unammisartut 17-it toqqarneqarput

Nunanut allanut unammisartunut sungiusaasut René Olsen aamma Tekle Ghebrelul Kroatiamut unammiartoqataasussat 17-it toqqarpaat.

Belgia aamma Saudi Arabia gruppe B-mi unammissavaat.

Peqataasinnaanngitsut arlaqartut

- Unammiartussat immikkut toqqakkat 17-inut ikilisinneqarnikuupput taakkulu takutissavaat qanoq pisinnaasaqarnerlutik. Inuusuttunik holdimi ilaatitaqarpugut, taakkulu ukiuni amerlasuuni ineriartornissaat taamatullu unammisaqattaarnissaat ineriartuutissaannik misilittakkanillu nunani tamalaani ineriartuutissaanik pingaartitsilluta ilaatitaqarpugut. Arsarnermik misilittagartuut ilai taamaatitsiinnartariaqarsimapput ajoqusersimanertik peqqutigalugu, kisiannili arsartussat nutaat periarfissinneqarput qanoq pisinnaasaqarnerminnik takutitsinissaminnut, sungiusaasut tusagassiutinut nalunaarummi oqarput.

Toqqarneqartut:

Karsten Andersen
John-L Broberg
Niklas Thorleifsen
Patrick Frederiksen
Bastian Rosing
Lars Erik Reimer
Nick Reimer
Søren Kreutzmann
Markus Jensen
Karl Louis Sandgreen
Rene Eriksen
Philip Holmene
Henning Bajare – Keeper
Aqqalooraq Lund – Keeper
Kent Jeremiassen
Mikki Brønlund
Niklas Thustrup Johansen

Powered by Labrador CMS