Skip to main content

Futsalimi nunanut allanut unammisartut Cup-ernissamut piareerput

Angutit futsalimi nunanut allanut unammisartut Nordic Cup decemberip qiteqqunnerani ingerlanneqarpat peqataanissamut piareerput. Unammiartussat toqqarneqarsimalereerput.

Nordic Cup 2023 Hjørringimi ukioq manna ingerlanneqalerpat Danmark, Norge, Kalaallit Nunaat, Estland, Letland aamma Litauen peqataassapput. Unammisaqattaarnerit ulluni 12.-18. december ingerlanneqassapput.

- Puljeni marlunni unammiuaarnerit aallartissammata allaanerulaartumik misiliissaagut. Nunallu unammisartagarinngisagut peqataassammata aamma pissanganarpoq. Unamminissanut qilanaarpugut, iligiittullu ineriartornerput qanoq innersoq takussallugu aamma qilanaarpugut, sungiusaasoqatigiit oqarput.

Kalaallit Nunaat Danmark aamma Norge puljeqatigissavaa.

Nunanut allanut unammisartut Krotiami januarimi unammisaqattaaqataapput. Maannalu sungiusarneq ilutigalugu Nuummi KAK-imit ukiaq manna katersuunneqarsimapput.

Unammisartut nutaat takkussuuttut

- Inuusuttut unammisartunngortut suli ineriartortippagut, pitsanngoriartornerallu malinnaaffigalugu pissanganaqaaq. Unamminissani pointinik pissarsinissarput naatsorsuutigaarput, ingerlalluariaruttalu medaljennassinnaaneq aamma inornanngilaq. Tamannalu siunertaralugu soorunami peqataassaagut, sungiusaasut oqarput.

Nunanut allanut unammisartut Nordic Cupimi kingullermik peqataangamik 2021-mi nr. 4-nngorput. Ukioq manna unammiarnissaq Elite Sport Greenlandimit aningaasaliiffigineqarpoq.

Nordic Cupimut unammiartussatut uku toqqarneqarput:

  1. Karls Louis Sandgreen
  2. Niklas T. Johansen
  3. Hans Karl Berthelsen
  4. Patrick Frederiksen
  5. Niklas Thorleifsen
  6. Nick Reimer
  7. Bastian Rosing
  8. Karsten Andersen
  9. Malik Pedersen
  10. Rene Eriksen
  11. Aputsiaq Andersen
  12. John-Luvig Broberg
  13. Hans Ole Kleist
  14. Bror Bernhardsen
  15. Aiko Nielsen
  16. Henrik Kleist
  17. Aqqalooraq Møller Lund
  18. Henning Bajare

Sungiusaasoqatigiit tassaapput René Olsen, Bo Holden, Loke Svane, Vivi Fleicher Motzfeldt, Lars Erik Reimer aamma Kenneth Stage.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER