Futsalimi GM: Holdi siulleq semifinalimut annguppoq
Futsalimi nunatsinni pissartanngorniunnermi timersoqatigiiffik siullleq semifinalimi unamminissanut inissippoq. Timersoqatigiiffiit sisamat inissat pingasut unammissutigissavaat
Futsalimi ukioq kingulleq pissartanngortut B-67 ukioq manna pissartanngorniunnermi timersoqatigiiffinni siullersaalluni semifinalimut annguppoq.
Maniitsormiunut Kagssagssummut 4-2-mik ajugaareernermi kingorna tamanna erserpoq. B-67 pingasoriarluni unammereernermi kingorna qulingiluanik pointeqarpoq.
Kugsak aamma Nagdlunguak unammimmata timersoqatigiiffik Qasigiannguaneersoq aallartilluarneruvoq, tassami 2-0-mik siuarami unamminerup aallartinnerani, Aqqalu Zeeb isertitsisoralugu. Unammisulli muminnginnerini Nagdlunguak' marloraarpoq, taamaasilluni muminnermi unammisut naligiillutik, 2-2.
Unamminerup immikkoortuisa aappaanni Nagdlunguak isertitseqqaartuuvoq, Markus Jensen isertitseqqaartuulluni. Unammisut naligiitsilerlugit Kugsak isertitsivoq, unamminerulli naammassilernerani N-48 isertitseqqippoq, unamminerlu naammassimmat 4-3-mik ajugaallutik.
Nuummit Sineriak Narsarmiunut N-85-imut ajugaarujussuarput- Muminnermi Sineriak 14-1-mik siuaqqavoq.
Unamminerup immikkoortuisa aappaat naammassimmat Sineriak 24-2-mik ajugaavoq.