Futsalimi GM-ertoqarnerani isertitsisoqarluartoq

Arfininngornermi unamminerit ingerlalluarput aajukulu inerneri:

Nagdlúnguak' B-67-mut 0-5-mik ajorsarpoq.
NÛK K-33-mut 0-1-mik ajorsarpoq.
FC Malamuk aamma Kâgsságssummut ajorsarpoq, illoqarfik qaaqqusisoq 3-6-mik ajugaalluni.
K-64 Kuummiuneersoq IT-79-mut unamminermini 3-6-mik ajorsarpoq.
B-67 T-41-mut Aasianneersumut 9-1-mik ajugaarujussuarpoq.
Nágdlúnguak' aappassaanik K-33-mut unamminermini 8-6-mik ajugaavoq.
Illoqarfik qaaqqusisoq Kâgsságssuk Kúgsammut 3-2-mik ajugaavoq.
FC Malamuk IT-79-mut aappassaanik unamminermini 0-2-mik ajorsarpoq.
NÛK T-41-mut Aasianneersunut aappassaanik unamminerminni 5-9-mik ajorsarpoq.
Ullormi unamminermi kingullermi K-64 Kuummiuneersoq Kúgsammut Qasigiannguaneersunut unammivoq, unamminermilu Kúgsak 6-15-mik ajugaarujussuarluni.

Unamminerit inissitsiterinermik kinguneqartussat
Aqagu unamminissat ima isikkoqarput:

Normu 9-nngorniuttussat tassaapput NÛK Nuummeersoq aamma FC Malamuk Uummannameersoq nal. 10:30 unammissallutik.
Semifinalimi siullermi B-67 Nuummeersoq illoqarfimmut qaaqqusisunut Kâgsságssummut Maniitsumeersunut nal. 12.00 unammissapput.
Semifinalit aappaanni Nágdlúnguak' Ilulissaniit pissartanut Nuummeersunut IT-79-mut nal. 13.30 unammissapput.
Nr. 5-nngorniuttussat tassaapput K-33 Qaqortumiit aamma Kúgsak Qasigiannguaniit, taakku nal. 15.00 unammissapput.
Nr. 7-nngorniuttussat tassaapput T-41 Aasiaanniit aamma K-64 Kuummiuniit, taakku nal. 16:30 unammissapput.
Bronzinnanniunneq nal. 18.00 ingerlanneqassaaq.
Kuultinnanniunneq nal. 19.30 ingerlanneqassaaq.