Futsalimi angutit GM-ernissaraluat taamaatinneqarpoq
Coronavirusi pissutaalluni angutit futsalimi GM-ernissaraluat KAK-mit taamaatinneqarpoq. GM-ernissaraluit allat aamma taamaatinneqarput, taamaattoq niviarsiaqqat U18-it GM-ertinneqassallutik
Annonse
Coronavirusip ajornartorsiutaalernera pillugu Kalaallit Arsaattartut Kattuffiani siulersuisut ataatsimiipput ullumi sisamanngornermi.
Angutit Sisimiuni GM-ernissaraluat taamaatinneqarpoq, futsaalimi unammiuaarnerit marsimi, aprilimi maajimilu pisussaagaluit taamaatinneqarlutik.
Unammersuaarnerli ataaseq ingerlanneqassaaq, tassa niviarsiaqqat U18-it Nuummi unammersuarnerat aqagu aallartinneqassaaq.
- U18 nivissat aqagu unammersuaarnerat aallartissaaq, isiginnaartoqaratik pissartanngorniutissapput, KAK-mi ataqatigiissaarisoq Minik Jeremiassen Sermitisaq.AG-mut oqarpoq.
Nukappiaqqat U15-it aamma U18-it GM-ernissaraluat, arnat angutillu GM-ernissaraluat, kiisalu angutit utoqqasaat GM-ernissaralui tamarmik taamaatiinnarneqarput.