Skip to main content

Futsal: GM-imut anngunniuttarneq KAK-mit allanngortinneqarpoq

Futsalimi Sisimiuni nunatsinni pissartanngorniuttoqassaaq. Pissartanngorniunnissanut anngunniunneq arsaattartut kattuffiannit allanngortinneqarpoq

Immikkoortortaqarfik Avannarleq Kujallerlu.

Taakkunani GM-ertoqarnissaanut anngunniuttoqassaaq, tamanna Kalaallit Arsaattartut Kattuffiannit aalajangiunneqarpoq.

Taamaasilluni timersoqatigiiffiit kujataanit, tunumit kiisalu illoqarfiit Sisimiut tungaannut timersoqatigiiffiit unammisussanngussapput, Avannaani anngunniuttussat Qasigiannguanit Qaanaamut timersoqatigiiffiit anngunniutissallutik.

Anngunniuttarnerit immikkoortunut tallimanut avinneqartarnikuupput siornatigut, tassa Avannaa, Disko, Qeqqa, Kujataa kiisalu Tunu. (Tunumi timersoqatigiiffiit ikinnerpaamik pingasuugaangata anngunniuttoqartarnikuuvoq).

Peqataaniarlutik nalunaartut

Immikkoortortaqarfimmi Kujataani anngunniunneq Nuummi sapaatip akunnerani 10-mi ingerlanneqassaaq. Timersoqatigiiffiit 13-it peqataaniarlutik nalunaarput, tassani GM-imut inissat pingasut unammissutigineqassapput. Sisimiuni GM-ertoqartussaanera pissutaalluni inissat pingasut unammissutigineqassapput, Sisimiunit timersoqatigiiffik ataaseq anngutereertussaanera pissutaalluni. SAK aamma S-68 illoqarfimmi pissartanngorniutissapput, taakkunani ajugaasoq toqqaannaq GM-imut anngutissalluni.

Avannaani timersoqatigiiffiit qulit anngunniunnissamut nalunaarput, Ilulissani sapaatip akunnerani 10-mi aamma anngunniuttoqassalluni. Tassani GM-imut inissat sisamat unammissutaassapput.

- Immikkoortortaqarfinni arsaattunik toqqaasoqassaaq, toqqagaasut Nuummi sungiusaqatigiisinneqassallutik. Taanna marsip naanerani pissaaq. Toqqarneqartut sungiusaqatigiilinnginneranni ikilineqassapput nunanut allanut unammisartunut sungiusaasut nalilersuereerpata. Nuummi sungiusaqatigiinneranni Avannaamiut aamma Kujataamiut unammisinneqassapput, KAK-mit Lars Jørgen Petersen Sermitsiaq.AG-mut oqaluttuarpoq.

Periarfissat amerlineqarnissaat

Taamatut kujataanit avannaaniillu arsaattunik toqqaasarnikkut nunanut allanut unammisartunut unammisartut piukkunnartut amerlineqarnissaat kissaatigineqarpoq.

- Nunanut allanut unammisartut unammisartagaat, soorlu Sverige aamma Finland, ineriartorujussuupput klubbip kiisalu nunanut allanut unammisartoqarnerup tungaatigut, Lars Jørgen Petersen oqarpoq.

Sisimiuni pissartanngorniuttoqassaaq sapaatip akunnerani 16-mi, tassani timersoqatigiiffiit arfineq pingasut peqataassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER