Skip to main content

Futsal: Frederik Funch qallunaat unammisartuinut toqqarneqartoq

31-nik ukiulik kalaaleq Frederik Funch qallunaat futsalimik nunanut allanut unammisartuinut toqqarneqarpoq

- Soorunami qallunaat unammisartuinut periarfissinneqarlunga toqqarneqarnera nuannaarutigaara. Uannut periarfissaq annertuvoq aamma kalaallit arsaattartuinut. Uagummi kalaallit futsalimik arsaattartut pissaganarnerpaamik unammeqataasalenissatsinnut periarfissaq pitsaalluinnartuuvoq, Frederik Funch tusagassiutinut nalunaarut naapertorlugu oqarpoq.

31-nik ukiulik ulluinnarni B-67-mi unammeqataasarpoq.

- EM-imut aamma VM-imut anngunniuttoqarnerani Kalaallit Nunaat peqataasinngilaq, taamatullu periarfissinneqarnikkut peqataasoqarsinnaalerpoq. Tamanna Kalaallit Nunaanni futsalertartuini angusaq annertuupilussuuvoq. Piffissami matumani futsalertarneq Kalaalit Nunaanni ineriartupiloorpoq, nunatsinnilu inuusuttunut periarfissanik ammaassinera assut tulluusimaarutigaara. Taamaammat sineriammi kalaallit unammisartut pimoorussillualernissaannik kaammattorusuppakka, taamaaliortoqarpalli qularutiginngilara pikkorissorpassuarnik unammisartoqalernissaa. Ataatsimut isigalugu kalaallit futsalertartut pissaganarluinnartumik futsalip iluani aqqusaangassaqarput, Frederik Funch oqarpoq.

Angusaq

Kalaallit isikkamik arsaallutik nunanut unammisartuini aqutsisup unammilluartarsimanera pissutigalugu maanna DBU-mit unammeqataasussatut toqqarneqarpoq.

- KAK-p oqaluttuarisaanerani siullerpaamik unammisartumik qallunaat nunanut unammisartuinut toqqaasoqarpoq. Tamanna kattuffimmut aammalumi Frederimmut annertuumik angusaavoq. Neriutigiinnarsinnaavarpulli uagut peqataaffigisinnaanngisatsinni Frederik EM-imnut aamma VM-imut anngunniunnerit arlallit unammeqataaffigisalerumaarai, Kalaallit Nunaanni nuna tamakkerlugu sungiusaasoq René Olsen oqarpoq.

Qallunaat nuna tamakkerlugu sungiusaasua, Nikolaj Saabye oqarpoq:

- Ungarnimut angalanitsinni Frederiup unammeqataalernissaa qilanaarutigaarput. Unamminerini arlalinni malinnaavigisarsimavarput. Uagutsinnullu ersarilluinnarpoq Frederik aammalumi kalaallit futsalertartut ineriartupiluulersimanerat. Frederik ulloq 23. april Qallunaat Nunaannukassaaq qallunaallu unammiartoqatisssani Ungarnimut unammiartoqatiginnginnerini sungiusaqatigissallugit, nuna tamakkerlugu sungiusaasoq paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER