Skip to main content

Futsalertartut Tjekkiamukarniartut

Kalaallit Nunaat Tjekkiami futsalimik unammiuaarnernut peqataaqqissaaq. Unammiuaarnerni peqataasussanik sungiusaasut toqqaasimapput. Kikkut toqqarneqarsimanersut takukkit

Kalaallit Isikkamik Arsaattartut Kattuffiata nalunaarutigaa, Kalaallit Nunaat Tjekkiami futsalimik unammiuaarnernut peqataaqqilertoq.

Futsalerlutik nunanut allanut unammisartut maajip ulluisa 12-aniit maajip ulluisa 14-iat ilanngullugu unammiuaarnerni Tjekkia U21, Slovkiap Akademiholdii aamma Tjekkiap Akademiholdii unammissavaat.

Kattuffik naapertorlugu Tjekkiamiut nunanut allanut unammisartui U21-t siornatigut Europami pitsaanerit sisamaattut inissisimasimasut U21-illu EM-erneranni bronzennassimasut futsalertartuni pitsaanerit ilagaat.

- Unammisartutsinnut ineriartuutigineqarsinnaasumik akersuuteqattaarnissarput naatsorsuutigaarput. Unamminerit sakkortussaqaat unammisartunullu annertuumik piumasaqaatitaqassaaq, Rene Olsen oqarpoq.

Futsalertartulli unammiuaarnermi misilittangarilerumaakkatik siunissami unammiuaarnernut anginerusunut atorniarpaat. Kalaallit Nunaat ilaatigut ukiup naalernerani Danmarkimi Nordic Cup peqataaffigissavaa.

Taamaammat Kalaallit Nunaanni Isikkamik Arsaattartut Kattuffiata ilanngullugu nalunaarutigaa, angalaneq danskit peqatigiiffiini pissartanut tassa Gentoftemut sungiusaatigalugu unamminissamut atorneqassasoq, Tjekkiamilu unammiuaartoqareernerata kingorna Kalaallit Nunaat aamma Danmarki sungiusaatigalugu marloriarlutik unammissasut.

Nuna tamakkerlugu sungiusaasut René Olsenip aamma Anton Overballep futsalertartut uku unammiartortussatut toqqarpaat:

  • Malik Mikaelsen
  • Malik Hermarij
  • Kaassannguaq Zeeb
  • John Ludvig Broberg
  • Kaali L. Mathæussen
  • Kuluk Ezekiassen
  • Ari Hermann
  • Markus Jensen
  • Niklas Thorleifsen
  • Morten Fleischer
  • Søren Kreutzmann
  • Nick Reimer
  • Hans Karl Berthelsen
  • Nukannguaq Zeeb
  • Brian R. Kleist
  • Lars Erik Reimer
  • Bastian Rosing
  • Patrick Frederiksen
  • Katu Madsen 
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER