Futsal-GM-imi unamminerni isertitsinerpassuit
Futsalimi Nunatsinni angutit pissartanngorniunneranni ippassaq marlunngormat unamminerit pingasut ingerlanneqarmata 36-eriarluni isertitsisoqarpoq
Pissartanngorniunnerit Nuummi Inussivimmi ingerlanneqarput.
Maniitsumit Kagssagssuk aamma Narsamit N-85 unamminermi siullermi unammipput, tassani Maniitsormiut 18-2-mik ajugaapput.
Unamminerup aappaani arfineq marloriarluni isertitsisoqarpoq, tassani unammisuupput Nuummit B-67 aamma Ilulissanit Nagdlunguak'.
Muminnermi B-67 2-1-mik siuaqqavoq. Unamminerup immikkoortuata aappaani sukkasuumik sukataarfiusumillu unammisut unammipput. Nagdlunguak' akiuulluarpoq, unammisut 3-3-mik naligiitsileraluarmagit. Taamaattoq B-67 unamminermi 4-3-mik ajugaavoq.
Nuummit Sineriak aamma Qasigiannguarmiut Kugsak-45 marlunngornermi unammisaqattaartuni unammisut kingullersaraat. Kugsak-45 isertitseqqaartuuvoq, taamaattoq Sineriak akiuulluarnermigut siuarluni. Naak Kugsak-45 akiuulluaraluartoq Sineriak 6-3-mik ajugaavoq.