Futsal-finali: B-67 suli siuttuuvoq
Illoqarfiup isikkamik arsartartuisa B-67-ip N-48 pissartanngorniutivinnermi unammivai. Unamminerillu kingulliit pissanganartarsimagaluartut, B-67 ajugaanissaminut qulanngilluinnarpoq.
Illup iluani isikkammik arsarnermi nunatsinni pissartanngorniunnerit Nuummi ingerlanneqarmata B-67 suli ajorsarani unammeqataavoq.
Unammineq Inussivimmi ippassaq ingerlanneqartoq aamma tamaappoq. Unammineq dommerimit aallartinneqarneraniit sekundit 19-it qaangiutiinnartut B-67 isertitsivoq. Unamminerullu ingerlanissaa aalajangerneqareerluni.
Illoqarfiup arsaattartui unamminermi pitsaanerunertik takutippaat, unamminermi 4-1-imik N-48 Ilulissaneersoq ajugaaffigalugu.
Bronzennanniuttut isaatitsinerusut
Sineriak Futsal aamma Kagssagssuk bronzennanniullutik unammimmata arsaq målinut isertinneqarneruvoq.
Sineriak Futsalili ingerlalluarneruvoq, unamminermilu 7+5-imik ajugaalluni.
Ukioq manna arsartartutsialaat
Medaljennattut saniatigut pissartanngorniunnermi arsallaqqinnerpaat aamma nersornaaserneqarput.
Ukioq manna arsarluarnerit:
Målmand: Malik Hermarij, B-67
Back: Lars Erik Reimer, Sineriak Futsal
Back: John Ludvig Broberg, B-67
Angriber: Søren Kreutzmann, Kagssagssuk
Angriber: Markus Jensen, N-48
Nersornaasiunneqartut allat:
Årets Fighter: Lars Erik Reimer, Sineriak Futsal
Årets Tekniker: John Ludvig Broberg, B-67
Årets Spiller: Markus Jensen, N-48
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...