Skip to main content

Frimærki nutaaq atorlugu Kofoeds Skole taperserneqarpoq

Pingasunngormat frimærki nutaaq saqqummiunneqarpoq, frimærkilu naliminut ilassutitaqarpoq, Kofoeds Skolemi sulinermut tunniunneqartussamik.

Nuummi Kofoeds Skolep ulluinnarni aqutsisua Gudmundur (Gujo) Thorsteinsson killitsisimaqaluni oqalugiarpoq suleqatigiinnermullu qujassuteqarluni.

- Frimærkimik matuminnga tunineqarneq aningaasanik taperserneqarfiuinnanngilaq, aammali uagut nammineq frimærkitsinneq peqarfiulerpoq, tamannalu atuarfiup sulineranik aammattaaq angisuumik nersorneqarfiuvoq, tamannalu assut tulluusimaarutigaarput, taanna tusagassiuutinut nalunaarummi Tele-Postip nassiussaa naapertorlugu taama oqarpoq.

Robert Olsen, Danmarkimi Kofoeds Skolet pisortaanerat, aaqqissuussinermut peqataavoq, imatullu oqaluttuarpoq:

- Frimærki Kofoeds Skolep oqaluttuarisaanerata ilaanik oqaluttuarpoq. Ukiualuit matuma siorna toqqortat akornanni frimærki 1950ikkunni Kofoeds Skolemit suliarineqarsimasoq nanivarput, taamanikkut aamma Kofoeds Skolemut iluaqutaasussatut tuniniarneqarsimasoq. Frimærki taanna puiorneqarsimavoq, frimærkili nutaaq una atuarfiup oqaluttuarisaaneranut aamma ilannguppoq.

Frimærki nunatsinni nunanilu allani soqutiginnittunit pisiarineqarsinnaassaaq, aningaasallu tamatuma kingorna Nuummi Kofoeds Skolemut tunniunneqassapput. Siunertamut kusanartumut aningaasat qanoq amerlatigisut katersorneqarsimanerat piffissap takutikkumaarpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER